ಅಜ್ಜಿ ‘ಫ್ರಂಟ್‌ ಫ್ಲಿಪ್‌’ಗೆ ದಂಗಾದ ನೆಟ್ಟಿಗರು: ಹರಿದಾಡಿದ ವಿಡಿಯೊ
ಮುಂಬೈ: 75 ವರ್ಷದ ವೃದ್ಧೆಯೊಬ್ಬರು ಮದುವೆ ಕಾರ್ಯಕ್ರಮವೊಂದರಲ್ಲಿ ಮಾಡಿದ ನೃತ್ಯದ ವಿಡಿಯೊ ತುಣುಕೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ನೃತ್ಯದ ನಡುವೆ ಅಜ್ಜಿ ಹಾಕಿದ ‘ಫ್ರಂಟ್‌ ಫ್ಲಿಪ್‌’ ಯುವಕರನ್ನು ನಾಚಿಸುವಂತಿತ್ತು.
ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಈ ವಿಡಿಯೊವನ್ನು ‘@5_churrets’ ಎಂಬ ಹೆಸರಿನ ಇನ್‌ಸ್ಟಾಗ್ರಾಂ ಬಳಕೆದಾರೊಬ್ಬರು ಹಂಚಿಕೊಂಡಿದ್ದಾರೆ. ಪೋಸ್ಟ್‌ನಲ್ಲಿ ವೃದ್ಧ ಮಹಿಳೆಯ ಪರಿಚಯವಾಗಲಿ, ಸ್ಥಳ ಮತ್ತು ಕಾರ್ಯಕ್ರಮದ ಬಗ್ಗೆ ಯಾವುದೇ ವಿವರ ನೀಡಿಲ್ಲ.
ವಿಡಿಯೊದ ಕೆಳಗೆ, ‘ದಾದಿ ತೋ ಹ್ಯಾಕರ್ ನಿಕ್ಲಿ’ ಎಂದಷ್ಟೇ ಬರೆದುಕೊಂಡಿದ್ದಾರೆ.
ಬಾಲಿವುಡ್‌ನ ‘ಕಾಲಾ ಸೂರಜ್‌’ ಚಿತ್ರದ ‘ದೋ ದೂಂಟ್‌ ಪಿಲಾ ದೇ ಸಕೀಯಾ’ ಹಾಡಿಗೆ ಹೆಜ್ಜೆ ಹಾಕಿದ ಅಜ್ಜಿ, ಯುವಕರು ನಾಚುವಂತೆ ನೃತ್ಯ ಮಾಡಿದ್ದಾರೆ. ನಡುವಲ್ಲಿ ‘ಫ್ರಂಟ್‌ ಫ್ಲಿಪ್‌’ ಹಾಕಿರುವುದು ಎಲ್ಲರ ಗಮನ ಸೆಳೆದಿದೆ.
ಅಜ್ಜಿಯ ನೃತ್ಯವನ್ನು ಹಾಡಿ ಹೊಗಳಿರುವ ನೆಟ್ಟಿಗರು, ‘ನೃತ್ಯ ನೋಡಿಯೇ ನಮ್ಮ ಬೆನ್ನು ಮೂಳೆ ಮುರಿದು ಹೋಗಿದೆ’ ಎಂದು ಶ್ಲಾಘಿಸಿದ್ದಾರೆ.
ಇಳಿ ವಯಸ್ಸಿನಲ್ಲಿ ಜೀವನೋತ್ಸಾಹ ತುಂಬಿಕೊಂಡಿರುವ ಅಜ್ಜಿಗೆ ಶುಭ ಹಾರೈಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.