ವಿಡಿಯೊ ನೋಡಿ: ಅಜ್ಜಿ ಡಾಕ್ಟರುಗಳ ನೃತ್ಯ– 75ರಲ್ಲೂ ಕುಣಿದು ಕುಪ್ಪಳಿಸಿದರು

ತಿರುವನಂತಪುರಂ: ಬಹುತೇಕ ಮಹಿಳೆಯರು ತಾವು ಅಜ್ಜಿಯಾದ ಮೇಲೆ ಮನೆ ಮೂಲೆ ಸೇರಿ ಬಿಡುತ್ತಾರೆ. ಆದರೆ, ಕೇರಳದ ಈ ಅಜ್ಜಿ ಡಾಕ್ಟರುಗಳು ಅದಕ್ಕೆ ತದ್ವಿರುದ್ಧ.

ಕೇರಳದ ಕ್ಯಾಲಿಕಟ್ ಮೆಡಿಕಲ್ ಕಾಲೇಜಿನ 1966 ರ ಬ್ಯಾಚ್‌ನ ಸ್ನೇಹಿತೆಯರು ಅಂದರೆ ಈಗ 75 ವರ್ಷ ವಯಸ್ಸಿನ ಈ ಅಜ್ಜಿಯರು ಬಹಳ ಖುಷಿಯಿಂದ ಸಾಮೂಹಿಕ ನೃತ್ಯ ಮಾಡಿದ್ದಾರೆ.

ಅಜ್ಜಿ ಡಾಕ್ಟರ್‌ಗಳ ಈ ಜೋಶ್ ಕಂಡು ಹಲವರು ಮೆಚ್ಚಿಗೆ ಸೂಚಿಸಿದ್ದಾರೆ. ಹಳೇ ವಿದ್ಯಾರ್ಥಿಗಳ ಸಮಾಗಮದಲ್ಲಿ ಅಜ್ಜಿಯರು ಸಾಮೂಹಿಕ ನೃತ್ಯ ಮಾಡಿದ್ದಾರೆ.

ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆದಿದ್ದು ಹಲವರು ಮೆಚ್ಚಿಗೆ ಸೂಚಿಸಿದ್ದಾರೆ.