ಅಮ್ಮ ಹೇಳ್ತಾರೆ...

ಪೂರಿಗೆ ಲಟ್ಟಿಸುವಾಗ ಉಂಡೆಯ ಮೇಲೆ ಗೋಧಿಹಿಟ್ಟಿನ ಪುಡಿ ಉದುರಿಸಿಕೊಳ್ಳುವುದು ಸಾಮಾನ್ಯ. ಹೀಗೆ ಮಾಡಿದರೆ, ಬೇಯಿಸುವಾಗ ಆ ಪುಡಿಯು ಎಣ್ಣೆಯಲ್ಲಿ ಸೇರಿ ಕ್ರಮೇಣ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಉಳಿದ ಪೂರಿಗಳನ್ನು ಬೇಯಿಸುವಾಗ ಪುಡಿಯ ಈ ಕಣಗಳು ಅವಕ್ಕೆ ಮೆತ್ತಿಕೊಳ್ಳುತ್ತವೆ. ಇದು ಆರೋಗ್ಯಕ್ಕೆ ಹಾನಿಕರ. ಹೀಗಾಗಿ, ಉಂಡೆಯ ಮೇಲೆ ಪುಡಿಯ ಬದಲು ಒಂದೆರಡು ಹನಿ ಎಣ್ಣೆಯನ್ನು ಹಾಕಿಕೊಂಡು ಲಟ್ಟಿಸಬೇಕು. ಆಗ, ಕಾದ ಎಣ್ಣೆಯಲ್ಲಿ ಗೋಧಿ ಪುಡಿಯ ಕಲ್ಮಶ ಸಂಗ್ರಹವಾಗುವುದು ತಪ್ಪುತ್ತದೆ