ಮಂಗಳ ಗ್ರಹದಲ್ಲಿ ಸಂಭವಿಸಿದ ಸೂರ್ಯಗ್ರಹಣದ ವಿಡಿಯೊ ನೋಡಿ

ನವದೆಹಲಿ: ಮಂಗಳ ಗ್ರಹದಲ್ಲಿ ನಡೆದ ಸೂರ್ಯ ಗ್ರಹಣದ ವಿಡಿಯೊವೊಂದನ್ನು ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ ಬುಧವಾರ ಹಂಚಿಕೊಂಡಿದೆ.

ಮಂಗಳನ ಚಂದ್ರ (ನೈಸರ್ಗಿಕ ಉಪಗ್ರಹ) ಫೋಬೋಸ್ ಸೂರ್ಯನನ್ನು ಹಾದುಹೋಗುತ್ತಿರುವುದನ್ನುನಾಸಾದ ‘ಪರ್ಸೆವೆರೆನ್ಸ್ ರೋವರ್’ ಚಿತ್ರೀಕರಿಸಿ ಭೂಮಿಗೆ ರವಾನಿಸಿದೆ.

ಏಪ್ರಿಲ್ 2ರಂದು ಸಂಭವಿಸಿರುವ ಈ ಗ್ರಹಣ ಸರಿಸುಮಾರು 40 ಸೆಕೆಂಡ್‌ಗಳಲ್ಲಿ ಅಂತ್ಯಗೊಂಡಿದೆ.

ಫೋಬೋಸ್ ಉಪಗ್ರಹವು ಚಂದ್ರನಿಗಿಂತಲೂ ಸುಮಾರು 157 ಪಟ್ಟು ಚಿಕ್ಕದು. ಮಂಗಳ ಗ್ರಹ ಎರಡು ನೈಸರ್ಗಿಕ ಉಪಗ್ರಹಗಳನ್ನು ಹೊಂದಿದ್ದು, ಅದರಲ್ಲಿ ಫೋಬೋಸ್‌ ಕೂಡ ಒಂದು. ಡಿಮೋಸ್‌ ಎಂಬುದು ಮತ್ತೊಂದು ನೈಸರ್ಗಿಕ ಉಪಗ್ರಹವಾಗಿದೆ.