ಹುಬ್ಬಳ್ಳಿ: ಪಾಕ್ ಸೈಬರ್ ಹ್ಯಾಕರ್ ‘ಮಿಯಾ ಉಮೈರ್’ ಹೆಸರಿನಿಂದ, ಕರ್ನಾಟಕ ರಾಜ್ಯ ಕಾನೂನು ವಿಶ್ವವಿದ್ಯಾಲಯದ ವೆಬ್ಸೈಟ್ ಭಾನುವಾರ ಬೆಳಿಗ್ಗೆ ಹ್ಯಾಕ್ ಆಗಿದೆ.
#justice for Asifa Stop Killing Muslims ಎಂದು ಹ್ಯಾಷ್ ಟ್ಯಾಗ್ ಮಾಡಲಾಗಿದ್ದು, ‘I am black hat. I can target any one, any time, any where. So be careful’ ಎಂದು ಎಚ್ಚರಿಕೆ ನೀಡಲಾಗಿದೆ. ಅಲ್ಲದೆ, ’ಇಸ್ಲಾಂ ಎಂಬುದು ಭಯೋತ್ಪಾದನೆ ಅಲ್ಲ, ಭಯೋತ್ಪಾದನೆ ಇಸ್ಲಾಂ ಅಲ್ಲ, ಮಾನವ ಹಕ್ಕುಗಳು ಎಂಬುದು ಆಯ್ಕೆಯಲ್ಲ’ ಎಂದೂ ಬರೆಯಲಾಗಿದೆ.
ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಕಾನೂನು ವಿಶ್ವವಿದ್ಯಾಲಯದ ಕುಲಪತಿ ಸಿ.ಎಸ್. ಪಾಟೀಲ, ‘ವೆಬ್ಸೈಟ್ ಹ್ಯಾಕ್ ಆದ ವಿಷಯ ಮಧ್ಯಾಹ್ನ ಎರಡೂವರೆಗೆ ಗೊತ್ತಾಯಿತು. ಕೂಡಲೇ ಲಾಕ್ ಮಾಡಿಸಲಾಯಿತು. ಪೊಲೀಸರಿಗೆ ಸೋಮವಾರ ದೂರು ನೀಡಲಾಗುವುದು’ ಎಂದು ತಿಳಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.