ಮತ್ತೆ ‘ತೆನೆ’ ಹೊತ್ತ ಪೂಜಾ ಗಾಂಧಿ

ಬೆಂಗಳೂರು: ನಟಿ ಅಮೂಲ್ಯ ಬಳಿಕ ಮತ್ತೊಂದು ಸಿನಿ ತಾರೆ ಜೆಡಿಎಸ್ ಅಂಗಳ ಪ್ರವೇಶಿಸಿದ್ದು, ನಟಿ ಪೂಜಾ ಗಾಂಧಿ ಶನಿವಾರ ತಮ್ಮ ಮಾತೃ ಪಕ್ಷಕ್ಕೆ ಮರಳಿದರು.

ನಗರದ ಜೆ.ಪಿ. ಭವನದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಜೆಡಿಎಸ್ ಕಾರ್ಯಾಧ್ಯಕ್ಷ ಪಿ.ಜಿ.ಆರ್.ಸಿಂಧ್ಯ ಅವರು ಪೂಜಾ ಗಾಂಧಿಗೆ ಪಕ್ಷದ ಬಾವುಟ ನೀಡಿ ಬರ ಮಾಡಿಕೊಂಡರು.

ನಂತರಮಾತನಾಡಿದ ಅವರು, ‘ನನ್ನ ರಾಜಕೀಯ ಜೀವನ ಶುರುವಾಗಿದ್ದು ಜೆಡಿಎಸ್‌ನಿಂದಲೇ. ಆದರೆ, ಕಾಣಾಂತರಗಳಿಂದ ಪಕ್ಷವನ್ನು ತೊರೆದಿದ್ದೆ. ಆ ತಪ್ಪಿಗೆ ಎಚ್‌.ಡಿ. ದೇವೇಗೌಡ, ಕುಮಾರಸ್ವಾಮಿ ಹಾಗೂ ಎಲ್ಲ ಕಾರ್ಯಕರ್ತರ ಬಳಿ ಕ್ಷಮೆ ಯಾಚಿಸುತ್ತೇನೆ’ ಎಂದರು. 2013ರ ಚುನಾವಣೆಯಲ್ಲಿ ಶ್ರೀರಾಮುಲು ನೇತೃತ್ವದ ಬಿಎಸ್ಆರ್‌ ಕಾಂಗ್ರೆಸ್‌ ಅಭ್ಯರ್ಥಿಯಾಗಿದ್ದ ಪೂಜಾ ಗಾಂಧಿ, ರಾಯಚೂರು ಕ್ಷೇತ್ರದಿಂದ ಕಣಕ್ಕಿಳಿದು ಸೋತಿದ್ದರು.