ವೀರರಾಣಿ ‘ಶ್ರುತಿ’ ಫಸ್ಟ್‌ ಲುಕ್

ಶ್ರುತಿಹಾಸನ್ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಸಿನಿಮಾ ‘ಸಂಗಮಿತ್ರ’ದ ಮೊದಲ ಲುಕ್‌ ಕಾನ್ ಸಿನಿಮೋತ್ಸವದಲ್ಲಿ ಬಿಡುಗಡೆಯಾಗಿದೆ.

ಹಲವು ತಿಂಗಳಿನಿಂದ ಸಂಗಮಿತ್ರ ಸಿನಿಮಾಕ್ಕೆ ತಯಾರಾಗುತ್ತಿರುವ ಶ್ರುತಿ ಈ ಸಿನಿಮಾಕ್ಕೆ ಲಂಡನ್‌ನಲ್ಲಿ ಸಮರಕಲೆಯನ್ನೂ (ಕತ್ತಿವರಸೆ)ಕಲಿತು ಬಂದಿದ್ದಾರೆ. ಸುಂದರ್ ಸಿ. ನಿರ್ದೇಶಿಸಿರುವ ಈ ಸಿನಿಮಾವನ್ನು ಶ್ರೀ ತೇನಾಂಡಳ್ ಫಿಲಂಸ್‌  ನಿರ್ಮಾಣ ಮಾಡಿದೆ. ಬಾಹುಬಲಿಯಂತೆ ಈ ಸಿನಿಮಾ ಕೂಡ ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದೆ.

ಹಿಂದಿ, ತಮಿಳು, ತೆಲುಗು ಮೂರು ಭಾಷೆಯಲ್ಲೂ ಸಿನಿಮಾ ಬಿಡುಗಡೆಗೊಳ್ಳಲಿದೆ. ಸಿನಿಮಾದಲ್ಲಿ ಆರ್ಯ ಮತ್ತು ಜಯಂ ರವಿ ಕೂಡ ಅಭಿನಯಿಸಿದ್ದಾರೆ. ಪ್ರತಿಷ್ಠಿತ ಕಾನ್ ಸಿನಿಮೋತ್ಸವದಲ್ಲಿ ಬಿಡುಗಡೆಯಾಗಿರುವ ಸಿನಿಮಾದ ಮೊದಲ ಪೋಸ್ಟರ್‌ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.