ಶ್ರೀನಗರ: 6ನೇ ಶತಮಾನದ ಶಿವನ ಮೂರ್ತಿ ಪತ್ತೆ

ಶ್ರೀನಗರ: ನಗರದ ಹೊರವಲಯದಲ್ಲಿರುವ ಹರ್ವಾನ್ ಪ್ರದೇಶದಲ್ಲಿ 6 ನೇ ಶತಮಾನದ  ಭಗವಾನ್ ಶಿವನ ಅಪರೂಪದ ಒಂದು ಶಿಲೆ ದೊರೆತಿದೆ. ಜಲಾಶಯ ನಿರ್ಮಾಣಕ್ಕಾಗಿ ನೆಲವನ್ನು ಅಗೆಯುವ ವೇಳೆ ಈ ಮೂರ್ತಿ ಸಿಕ್ಕಿದೆ.

ಶಿಲ್ಪವು ಸುಮಾರು 2.5 ಅಡಿ ಉದ್ದ ಇದ್ದು, ಮೊಟ್ಟೆಯಾಕಾರದ್ದಿದೆ. ಇದನ್ನು ಪೊಲೀಸರು ಪುರಾತತ್ವ ಇಲಾಖೆಗೆ ನೀಡಿದ್ದಾರೆ. ಇದೇ ಮೊದಲ ಬಾರಿ ಇಂಥದ್ದೊಂದು ಮೂರ್ತಿ ಸಿಕ್ಕಿದೆ ಎಂದು ಇಲಾಖೆಯ ನಿರ್ದೇಶಕ ಶಫಿ ಜಾಹಿದ್‌ ಹೇಳಿದ್ದಾರೆ. ಹರ್ವಾನ್‌ ಪ್ರದೇಶವು ಪಾರಂಪರಿಕ ತಾಣವೆಂದು ಪ್ರಸಿದ್ಧಿ ಪಡೆದಿದೆ.