ರಾಜ್ಯಸಭಾ ಚುನಾವಣೆ ಮತದಾನ‌‌‌ ಮುಕ್ತಾಯ

ಬೆಂಗಳೂರು: ರಾಜ್ಯ ವಿಧಾನಸಭೆಯಿಂದ ರಾಜ್ಯಸಭೆಯ ನಾಲ್ಕು ಸ್ಥಾನಗಳಿಗೆ ಶುಕ್ರವಾರ ನಡೆದ ಚುನಾವಣೆ ಇದೀಗ ಮುಕ್ತಾಯಗೊಂಡಿದೆ. 

224 ಸದಸ್ಯರ ಪೈಕಿ ನಿಧನ ಹಾಗೂ ರಾಜೀನಾಮೆಯಿಂದ ಖಾಲಿಯಾಗಿದ್ದ 7 ಸ್ಥಾನಗಳನ್ನು ಬಿಟ್ಟು ಉಳಿದಂತೆ 217 ಮತದಾರರು ಹಾಜರಿದ್ದರು.  

ಈ ಪೈಕಿ ಅನಾರೋಗ್ಯ ಕಾರಣದಿಂದ ಬೇಲೂರು ಕ್ಷೇತ್ರದ ಕಾಂಗ್ರೆಸ್ ಶಾಸಕ ರುದ್ರೇಶಗೌಡ ಮತ ಹಾಕಲಿಲ್ಲ. 

ಜೆಡಿಎಸ್ ಶಾಸಕ ಎಚ್.ಡಿ.ರೇವಣ್ಣ ಹಾಗೂ ಸಾ.ರಾ.ಮಹೇಶ ಅವರನ್ನು ಬಿಟ್ಟು ಉಳಿದ 28 ಶಾಸಕರು ಮತದಾನ ಬಹಿಷ್ಕರಿಸಿದರು. ಹೀಗಾಗಿ 217 ಮತಗಳ ಪೈಕಿ 188 ಮತಗಳು ಮಾತ್ರ ಚಲಾವಣೆಯಾದಂತಾಗಿವೆ.