ಆಸ್ಟ್ರೇಲಿಯಾ ಸಂಸತ್ತಿನಲ್ಲಿ ಮೋದಿ ಭಾಷಣ

ಮೆಲ್ಬರ್ನ್‌ (ಪಿಟಿಐ) : ಮುಂದಿನ ತಿಂಗಳು ಆಸ್ಟ್ರೇಲಿಯಾ ಪ್ರವಾಸ ಕೈಗೊಳ್ಳಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಅಲ್ಲಿನ ಸಂಸತ್ತಿನ ವಿಶೇಷ ಜಂಟಿ ಸದನವನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದಾರೆ.

 ಅವರು ಬ್ರಿಸ್ಬೇನ್‌ನಲ್ಲಿ ನಡೆಯುವ ಜಿ–20 ರಾಷ್ಟ್ರಗಳ  ಶೃಂಗಸಭೆಯಲ್ಲಿ  ಭಾಗವಹಿಸಲಿದ್ದಾರೆ. ಆಸ್ಟ್ರೇಲಿಯಾ ಸಂಸತ್ತಿನಲ್ಲಿ ಜಂಟಿ ಸದನವನ್ನು ಉದ್ದೇಶಿಸಿ  ಭಾಷಣ ಮಾಡುತ್ತಿರುವ ಭಾರತದ ಮೊದಲ ಪ್ರಧಾನಿ ಎಂಬ ಹೆಗ್ಗಳಿಕೆಗೆ ಮೋದಿ ಪಾತ್ರರಾಗಲಿದ್ದಾರೆ.

ಈ ಐತಿಹಾಸಿಕ ಭಾಷಣವನ್ನು ಹಿಂದಿಯಲ್ಲಿ   ಮಾಡುತ್ತಿರುವುದು ವಿಶೇಷ. ಮೋದಿ ಅವರ  ಭಾಷಣವು ಭಾರತ ಹಾಗೂ ಆಸ್ಟ್ರೇಲಿಯಾದ ಗೌರವ, ಸಂಸ್ಕ್ರತಿಗೆ ಬಲವನ್ನು ನೀಡುತ್ತದೆ ಎಂದು ಅಲ್ಲಿನ ಲೇಬರ್‌ ಸೆನೆಟರ್‌ ಸಾಮ್ನಿಯಾ ಲಿಸಾ ಸಿಂಗ್ ಹೇಳಿದ್ದಾರೆ.