ಐಐಟಿ: ಮೂರು ಪ್ರಶ್ನೆ

ಕೇಂದ್ರ ಸರ್ಕಾರ ಈ ಸಲದ ಬಜೆಟ್‌ನಲ್ಲಿ ಕರ್ನಾಟಕಕ್ಕೆ ಪ್ರತಿಷ್ಠಿತ ಐಐಟಿ ಕೊಡಮಾಡಿದೆ. ಈ ಐಐಟಿಯನ್ನು ಸರ್ಕಾರ,  ರಾಜ್ಯದ ಯಾವ ಪ್ರದೇಶದಲ್ಲಿ ಮತ್ತು ಯಾವ ಜಿಲ್ಲೆಯಲ್ಲಿ ಸ್ಥಾಪನೆ ಮಾಡಬೇಕೆಂದಿದೆ ಎಂಬುದನ್ನು  ತಿಳಿಯಲು ನನ್ನಂತೆ ಅನೇಕರು ಕುತೂಹಲ ಹೊಂದಿದ್ದಾರೆ. ಈ ನೆಲೆಯಲ್ಲಿ  ಸರ್ಕಾರಕ್ಕೆ ನಾನು ಮೂರು ಪ್ರಶ್ನೆಗಳನ್ನು ಕೇಳಲು ಬಯಸುತ್ತೇನೆ.

ಈ ಐಐಟಿಯನ್ನು ಎಲ್ಲಿ ಸ್ಥಾಪಿಸಬೇಕೆಂದು ತೀರ್ಮಾನಿಸಿರುವಿರಿ? ಸ್ಥಳ ನಿಗದಿಗೆ ಯಾವ ಮಾನದಂಡಗಳನ್ನು ಅನುಸರಿಸುತ್ತಿದ್ದೀರಿ?
ಐಐಟಿಯನ್ನು ಕರ್ನಾಟಕದ ಬಹು ನಿರ್ಲಕ್ಷಿತ ಪ್ರದೇಶವೆಂದೇ ಗುರುತಿಸಲಾದ ಉತ್ತರ ಕರ್ನಾಟಕದಲ್ಲೇ ಸ್ಥಾಪಿಸಬೇಕೆನ್ನುವ ಬಗ್ಗೆ ಮುಖ್ಯಮಂತ್ರಿಗಳ ಬದ್ಧತೆ ಏನು?

ಈಗಾಗಲೇ ದೇಶದ ಅನ್ಯ ಭಾಗಗಳಲ್ಲಿರುವ ಐಐಟಿಗಿಂತಲೂ ಈಗ ರಾಜ್ಯದಲ್ಲಿ ಸ್ಥಾಪಿಸಲು ಹೊರಟಿರುವ ಐಐಟಿITಹೇಗೆ ಭಿನ್ನವಾಗಿರಬಹುದು?
 ಅರವಿಂದ ಮುಚಖಂಡಿ, ಗೇನ್ಸ್‌ವಿಲೆ, ಫ್ಲಾರಿಡಾ