ಬೀಚ್‌ನಲ್ಲಿ ಸೂರ್ಯಾಸ್ತದ ಫೋಟೊ ಪೋಸ್ಟ್ ಮಾಡಿದ ಜಾಹ್ನವಿ ಕಪೂರ್
ಬೆಂಗಳೂರು: ಬಾಲಿವುಡ್‌ನ ಕಪೂರ್ ಕುಟುಂಬದ ಕುಡಿ ಜಾಹ್ನವಿ ಕಪೂರ್ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಸುದ್ದಿಯಲ್ಲಿರುವ ಸೆಲೆಬ್ರಿಟಿಯಾಗಿದ್ದಾರೆ.
ಜಾಹ್ನವಿ ಕಪೂರ್, ಬುಧವಾರ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಫೋಟೊ ಒಂದನ್ನು ಪೋಸ್ಟ್ ಮಾಡಿದ್ದು, ಇಂಟರ್‌ನೆಟ್‌ನಲ್ಲಿ ಸಂಚಲನ ಸೃಷ್ಟಿಯಾಗಿದೆ.
ಬೀಚ್‌ನಲ್ಲಿ ಸೂರ್ಯಾಸ್ತದ ಜತೆಗೆ ಬಿಕಿನಿ ಧರಿಸಿರುವ ಫೋಟೊ ಒಂದನ್ನು ಜಾಹ್ನವಿ ಕಪೂರ್ ಪೋಸ್ಟ್ ಮಾಡಿದ್ದು, ನಟಿಯ ಫೋಟೊಗೆ ಅಭಿಮಾನಿಗಳು ಲೈಕ್, ಕಮೆಂಟ್ ಸುರಿಮಳೆ ಸುರಿಸಿದ್ದಾರೆ.
ಜಾಹ್ನವಿ ಫೋಟೊಗೆ 6 ಲಕ್ಷಕ್ಕೂ ಹೆಚ್ಚಿನ ಲೈಕ್ಸ್ ಬಂದಿದೆ. ಜತೆಗೆ ಖ್ಯಾತ ವಸ್ತ್ರ ವಿನ್ಯಾಸಕ ಮನೀಶ್ ಮಲ್ಹೋತ್ರಾ 'ವೋ..' ಎಂದು ಕಮೆಂಟ್ ಮಾಡಿದ್ದಾರೆ. ನಂತರ ಮಹೀಪ್ ಕಪೂರ್ ಹೃದಯದ ಎಮೊಜಿಯ ಮೂಲಕ ಕಮೆಂಟ್ ಮಾಡಿದ್ದಾರೆ.
ಜಾಹ್ನವಿ ಕಪೂರ್ ಜತೆಗೆ ಆಕೆಯ ಆಪ್ತ ಗೆಳೆಯ ಅರ್ಹಾನ್ ಅವತ್ರಮಣಿ ಇರುವ ಫೋಟೊ ಕೂಡ ಪೋಸ್ಟ್ ಮಾಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.