ಎಲೆಕ್ಟ್ರಿಕ್ ಕಾರು ಸಂಸ್ಥೆ ಲುನಾಜ್‌ನಲ್ಲಿ ಷೇರು ಖರೀದಿಸಿದ ಡೇವಿಡ್ ಬೆಕಮ್

ಲಂಡನ್: ಫುಟ್ಬಾಲ್ ತಾರೆ ಡೇವಿಡ್ ಬೆಕಮ್ ಅವರು ಬ್ರಿಟನ್ ತಳಹದಿಯ ವಿದ್ಯುತ್ ಚಾಲಿತ ಕಾರು ತಯಾರಿಕಾಸಂಸ್ಥೆ ಲುನಾಜ್‌ನಲ್ಲಿ ಶೇಕಡಾ 10ರಷ್ಟು ಷೇರನ್ನು ಖರೀದಿಸಿದ್ದಾರೆ.

ಇಂಗ್ಲೆಂಡ್‌ನ ಮಾಜಿ ನಾಯಕ ಡೇವಿಡ್ ಬೆಕಮ್, ಸ್ಟಾರ್ಟ್‌ಅಪ್‌‌ಗಳಲ್ಲಿ ಹೂಡಿಕೆಯ ಬಂಡವಾಳವನ್ನು ವಿಸ್ತರಿಸುವ ಮೂಲಕ ಗಮನ ಸೆಳೆದಿದ್ದಾರೆ.

ಇದನ್ನೂ ಓದಿ:ರಿಯಲ್ ಮ್ಯಾಡ್ರಿಡ್‌ ಕ್ಲಬ್‌ನಲ್ಲಿ ನಂಬಿಕೆ ಕೊರತೆ: ಕೋಚ್‌ ಹುದ್ದೆ ತೊರೆದ ಜಿದಾನೆ

ಒಪ್ಪಂದದ ಮೌಲ್ಯವನ್ನು ಬಹಿರಂಗಪಡಿಸಲಾಗಿಲ್ಲ. ಈ ಕುರಿತು ಲುನಾಜ್ ಸಂಸ್ಥೆ ತಕ್ಷಣಕ್ಕೆ ಪ್ರತಿಕ್ರಿಯಿಸಲಿಲ್ಲ. ಬೆಕಮ್ ಅವರನ್ನು ಸಂಪರ್ಕಿಸಲು ಸಾಧ್ಯವಾಗಿಲ್ಲ ಎಂದು ರಾಯಿಟರ್ಸ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಬೆಕಮ್ ಅವರು ಡಿಬಿ ವೆಂಚರ್ಸ್ ಕಂಪನಿಯ ಮೂಲಕ ಲುನಾಜ್ ಸಂಸ್ಥೆಯಲ್ಲಿ ಹೂಡಿಕೆ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.