1
ನನ್ನದು ಬಣ್ಣದ ಬುಗುರಿ
ಜಾಳಿಗೆ ಸುತ್ತಿ ಎಸೆದರೆ
ತಿರುಗುವುದು ಗಿರ ಗಿರ
2
ಕ್ಲಾಸಿನಲಿ ದಿನ ಪೂರ
ಪಾಠ ಕೇಳಿ ಬೇಜಾರು
ಸಂಜೆಯಲಿ ಅಂಗಳದಲಿ
ಆಡಿಸುವೆನು ಬುಗುರಿ
3
ಮನ ಮೋಹಕವಿದು ಬುಗುರಿ
ಅದಕೇ ಗೆಳೆಯರು ಕರುಬುವರು
ಪಿಚ್ಚೆನಿಸಿ ಅವರಿಗೂ ಕೊಡುವೆನು ಆಡಿಸಲು ಬುಗುರಿ
4
ಗಿರಗಿಟ್ಲೆಗಿಂತ ಚೆಂದ ತಿರುಗುವುದು ಬುಗುರಿ
ತಿರು ತಿರುಗಿ ತೂತು ಬೀಳಿಸುವುದು ನೆಲದಲಿ ಅದರ ಪರಿ
5
ಅಂಗೈಯಲ್ಲೂ ಆಡುವುದು ಮುದ್ದಿನ ಬುಗುರಿ
ಅದರ ಕಚಗುಳಿಗೆ ಮನ ಹಿಗ್ಗುವುದು ಹಿರಿ ಹಿರಿ
6
ಬುಗುರಿಗಳ ಲೀಡರ್ ನನ್ನಯ ಬುಗುರಿ
ಹುಸಿ ಹೋಗದು ನುರಿ ಇಟ್ಟರೆ
ಗೆಳೆಯರ ಬುಗುರಿಗೆ ಗಿಣ್ಣಿ ಬೀಳುವುದು ಖರೆ
ಅದಕೆ ಅವರು ಮರಗುವರು ಮರ ಮರ
7
ಬಣ್ಣದ ಬುಗುರಿಯೇ ನಿಜ ಗೆಳೆಯ
ಅದುವೇ ಸರ್ವಸ್ವ, ಅದುವೇ ನನಗೆ ಪ್ರಿಯ
–ಟಿ.ಎಸ್.ಗೊರವರ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.