ಪದೇ ಪದೇ ಕಣ್ಣು ಅದುರುತ್ತಿದ್ದರೆ ಶುಭವೋ ಅಶುಭವೋ: ಇಲ್ಲಿದೆ ಮಾಹಿತಿ

ಆಗಾಗ ಕಣ್ಣು ಅದುರುವುದು ಸಾಮಾನ್ಯ ಎಂದು ಹೇಳಲಾಗುತ್ತದೆ. ಆದರೆ, ಜ್ಯೋತಿಷದ ಪ್ರಕಾರ ಕಣ್ಣು ಅದುರುವುದು ಶುಭ ಹಾಗೂ ಅಶುಭದ ಸಂಕೇತ ಎಂದು ಹೇಳಲಾಗುತ್ತದೆ. ಈ ಕುರಿತು ಜ್ಯೋತಿಷಿ ಎಲ್‌. ವಿವೇಕಾನಂದ ಆಚಾರ್ಯ ಅವರು ಮಾಹಿತಿ ನೀಡಿದ್ದಾರೆ.

• ಪುರುಷರಿಗೆ ಬಲಗಣ್ಣು ಅದುರುವುದು ಶುಭ ಫಲವೆಂದು ಪರಿಗಣಿಸಲಾಗುತ್ತದೆ. ಅವರು ಪ್ರಯಾಣದಲ್ಲಿ ಹಾಗೂ ಕೆಲಸ ಕಾರ್ಯಗಳಲ್ಲಿ ಯಶಸ್ಸು ಕಾಣುತ್ತಾರೆ ಎಂದು ಜ್ಯೋತಿಷದಲ್ಲಿ ತಿಳಿಸಿದೆ. 

  ADVERTISEMENT

• ಪುರುಷರಿಗೆ ಎಡಕಣ್ಣುಗಳು ಅದುರಿದರೆ, ಅಶುಭ ಫಲವೆಂದು ಪರಿಗಣಿಸಲಾಗಿದೆ. ಕೆಲಸ ಕಾರ್ಯಗಳಲ್ಲಿ ತೊಡಕು ಹಾಗೂ ನಷ್ಟ ಉಂಟಾಗಬಹುದು ಎಂದು ತಿಳಿಸಿದ್ದಾರೆ. 

• ಸ್ತ್ರೀಯರಿಗೆ ಎಡ ಕಣ್ಣು ಅದುರಿದರೆ ಶುಭವಾಗುತ್ತದೆ. ಮಾಡುವ ಕಾರ್ಯದಲ್ಲಿ ಸಿದ್ಧಿ ಸಿಗಲಿದೆ. ಹಾಗೂ ಬಲಕಣ್ಣು ಅದುರಿದರೆ ಅಶುಭ ಫಲ ಸಿಗಲಿದೆ ಎಂದು ಅವರು ತಿಳಿಸುತ್ತಾರೆ.

• ಎರಡು ಕಣ್ಣಿನ ರೆಪ್ಪೆಗಳು ಅದುರುವುದು ಶಾಂತಿ ಹಾಗೂ ಸಾಧನೆಯ ಸೂಚನೆ ಎಂದು ಹೇಳಲಾಗುತ್ತದೆ. 

• ಬಲ ಕಣ್ಣಿನರೆಪ್ಪೆ ಅದುರಿದರೆ ಶುಭ

• ಎಡ ಕಣ್ಣಿನ ರೆಪ್ಪೆ ಆದುರಿದರೆ ಅಶುಭ. ಇದು ದುಃಖಕ್ಕೆ ಕಾರಣವೆಂದು ಹೇಳಲಾಗುತ್ತದೆ.

• ಬಲಗಣ್ಣಿನ ಕೆಳಭಾಗ ಅದುರಿದರೆ ಒಳ್ಳೆಯ ಕಾಲ ಬರಲಿದೆ ಎಂಬ ನಂಬಿಕೆ ಇದೆ. 

• ಎಡ ಕಣ್ಣಿನ ಕೆಳಭಾಗ ಅದುರಿದರೆ ಆರ್ಥಿಕ ನಷ್ಟ ಹಾಗೂ ದುಃಖಕ್ಕೆ ಕಾರಣವಾಗುತ್ತದೆ ಎಂದು ಜ್ಯೋತಿಷಿ ಎಲ್‌ ವಿವೇಕಾನಂದ ಆಚಾರ್ಯ ಅವರು ಹೇಳುತ್ತಾರೆ.