ಷಷ್ಟಾಷ್ಟಕ ದೋಷ: ಯಾರ ಮೇಲೆ ಹೆಚ್ಚಿರಲಿದೆ ಇದರ ಪ್ರಭಾವ?

ಜಾತಕದ ಅನುಸರಾವಾಗಿ ಹಲವು ದೋಷಗಳಿರುತ್ತವೆ. ಜ್ಯೋತಿಷದ ಪ್ರಕಾರ ಪ್ರತಿ ದೋಷಗಳಿಗೂ ಒಂದಲ್ಲ ಒಂದು ಪರಿಹಾರ ಕೂಡ ಇರುತ್ತದೆ. ಅದೇ ರೀತಿ ಜಾತಕದಲ್ಲಿ ಷಷ್ಟಾಷ್ಟಕ ಎಂಬುದು ಕೂಡ ಒಂದು ದೋಷವಾಗಿದೆ. ಹೀಗಂದರೇನು? ಇದರ ಪ್ರಭಾವವೇನು ಎಂಬುದನ್ನು ನೋಡೋಣ. 

• ಕುಜನು 6 ಮತ್ತು 8ನೇ ಮನೆಯಲ್ಲಿದ್ದರೆ ಷಷ್ಟಾಷ್ಟಕ ದೋಷಕ್ಕೆ ಒಳಗಾಗುತ್ತಾರೆ. ಅದರಲ್ಲಿಯೂ ಹೆಣ್ಣಿಗೆ 6 ಹಾಗೂ ಗಂಡಿಗೆ  8ನೇ ಮನೆಯಲ್ಲಿದ್ದರೆ ಈ ದೋಷ ಲಭಿಸುತ್ತದೆ ಎಂದು ಜ್ಯೋತಿಷ್ಯದಲ್ಲಿ ಹೇಳಲಾಗುತ್ತದೆ.

  ADVERTISEMENT

• ಈ ದೋಷ ಕೆಲವರ ಜಾತಕಕ್ಕೆ ಅನುಸಾರವಾಗಿ ಉಂಟಾಗುತ್ತದೆ. ಭಾತೃತ್ವಕ್ಕೆ ಮೂಲ ಕಾರಣ ಕುಜ ಗ್ರಹ ಎಂದು ಜ್ಯೋತಿಷದಲ್ಲಿ ಪರಿಗಣಿಸಲಾಗಿದೆ.

• ಈ ದೋಷವಿದ್ದರೆ ಅಣ್ಣ ತಮ್ಮಂದಿರ ನಡುವೆ ಕಲಹ ಉಂಟಾಗುತ್ತದೆ. ಮಿತ್ರರಲ್ಲಿ ಜಗಳ, ವೈಮನಸು ಉಂಟಾಗುತ್ತದೆ.

• ಜ್ಯೋತಿಷದ ಪ್ರಕಾರ 6ನೇ ಮನೆಯಲ್ಲಿ ಋಣ, ರೋಗ, ಶತ್ರು ಸೂಚಿಸುತ್ತದೆ. 8ನೇ ಮನೆಯಲ್ಲಿ ಗಂಡಿಗೆ ದಾಂಪತ್ಯ ಜೀವನದಲ್ಲಿ ಗಂಡ ಮತ್ತು ಹೆಂಡತಿ ಮಧ್ಯೆ ನಿರಂತರ ಜಗಳವಾಗುತ್ತದೆ. ಈ ಜಗಳ ವಿಚ್ಛೇದನದ‌ವರೆಗೂ ಹೋಗಬಹುದು. ಇದನ್ನು ಕಳತ್ರ ದೋಷವೆಂದು ಹೇಳಲಾಗುತ್ತದೆ.

• ಜಾತಕ ನೋಡದೆ ಪ್ರೇಮ ವಿವಾಹವಾದವರಿಗೆ ಈ ದೋಷದ ಸಾಧ್ಯತೆ ಹೆಚ್ಚು. ಭೂ ಮಾಂಗಲ್ಯ ಧಾರಣೆ, ಗಣ ಹೋಮ, ಗಿರಿಜಾ ಕಲ್ಯಾಣ ಹಾಗೂ ನವಗ್ರಹ ಆರಾಧನೆ ಮಾಡುವುದು ಪರಿಹಾರವಾಗಿದೆ ಎಂದು ಶಾಸ್ತ್ರದಲ್ಲಿ ಹೇಳಲಾಗಿದೆ.