ಔಷಧಗಳ ಮೇಲಿನ ಆಮದು ಸುಂಕ ಕೈಬಿಟ್ಟ ಚೀನಾ

ನವದೆಹಲಿ: ಮೇ 1 ರಿಂದಲೇ ಅನ್ವಯಿಸುವಂತೆ 28 ಔಷಧಗಳ ಮೇಲಿನ ಆಮದು ಸುಂಕ ಕೈಬಿಟ್ಟಿರುವುದಾಗಿ ಚೀನಾ ಹೇಳಿದೆ.

ಇದು ಭಾರತದ ಔಷಧ ಉದ್ಯಮಕ್ಕೆ ಉತ್ತೇಜಕರ ಸುದ್ದಿಯಾಗಿದ್ದು, ಔಷಧ ರಫ್ತು ಮಾಡಲು ಅನುಕೂಲವಾಗಲಿದೆ.

‘ಚೀನಾದ ಈ ನಿರ್ಧಾರದಿಂದ ಭವಿಷ್ಯದಲ್ಲಿ ಉಭಯ ದೇಶಗಳ ಮಧ್ಯೆ ಮೂಡಿರುವ ವ್ಯಾಪಾರ ಅಸಮತೋಲನ ಕಡಿಮೆಯಾಗಲಿದೆ’ ಎಂದು ಭಾರತದಲ್ಲಿನ ಚೀನಾ ರಾಯಭಾರಿ ಲಿಯು ಯೌಫಾ ಅವರು ಟ್ವೀಟ್‌ ಮಾಡಿದ್ದಾರೆ.

‘ಹೊರಗಿನವರಿಗೆ ಚೀನಾದ ಬಾಗಿಲು ಪೂರ್ತಿಯಾಗಿ ತೆರೆದುಕೊಳ್ಳಲಿದೆ. ಭಾರತದ ಉದ್ಯಮಗಳಿಗೆ ಸ್ವಾಗತ ಕೋರುತ್ತೇವೆ’ ಎಂದೂ ಹೇಳಿದ್ದಾರೆ.