ನವದೆಹಲಿ: ಎಲ್ಆ್ಯಂಡ್ಟಿ ಫೈನಾನ್ಸ್ ಹೋಲ್ಡಿಂಗ್ಸ್ (ಎಲ್ಟಿಎಫ್ಎಚ್) ಕಂಪನಿಯು ಅರ್ಹ ಸಾಂಸ್ಥಿಕ ವಿತರಣೆ (ಕ್ಯುಐಪಿ) ಮೂಲಕ ₹ 1,000 ಕೋಟಿ ಸಂಗ್ರಹಿಸಿದೆ.
ಮಾರ್ಚ್ 8 ರಂದು ಕ್ಯುಐಪಿ ಬಿಡುಗಡೆ ಮಾಡಲಾಗಿತ್ತು. ಮಾರ್ಚ್ 13ಕ್ಕೆ ಮುಕ್ತಾಯವಾಗಿದ್ದು, ಪ್ರತಿ ಷೇರಿನ ನೀಡಿಕೆ ಬೆಲೆ ₹ 158.60 ರಂತೆ ಈ ಮೊತ್ತ ಸಂಗ್ರಹವಾಗಿದೆ ಎಂದು ತಿಳಿಸಿದೆ.
‘ವಹಿವಾಟು ವೃದ್ಧಿಗಾಗಿ ಈ ಬಂಡವಾಳ ಬಳಸಲಾಗುವುದು’ ಎಂದು ಕಂಪನಿ ಸಿಇಒ ದೀನಾನಾಥ್ ದುಬಾಷಿ ತಿಳಿಸಿದ್ದಾರೆ.
‘ಎಲ್ಟಿಎಫ್ಎಚ್’ ಒಂದು ಬ್ಯಾಂಕಿಂಗೇತರ ಹಣಕಾಸು ಸಂಸ್ಥೆಯಾಗಿದ್ದು, ಗೃಹ, ಸಗಟು ವಿಭಾಗದಲ್ಲಿ ಹಣಕಾಸು ಸೇವೆಗಳನ್ನು ಒದಗಿಸುತ್ತಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.