ಕೈಗಾರಿಕಾ ಪ್ರಗತಿ ಹೆಚ್ಚಳ

ನವದೆಹಲಿ (ಪಿಟಿಐ): ದೇಶದ ಕೈಗಾರಿಕಾ ಪ್ರಗತಿಯು ಏಪ್ರಿಲ್‌ನಲ್ಲಿ ಶೇ 4.9ಕ್ಕೆ ಏರಿಕೆ ಕಂಡಿದೆ. ಗಣಿಗಾರಿಕೆ ಮತ್ತು ತಯಾರಿಕಾ ವಲಯದ ಉತ್ತಮ ಪ್ರಗತಿಯಿಂದ ಈ ಬೆಳವಣಿಗೆ ಸಾಧ್ಯವಾಗಿದೆ ಎಂದು ಕೇಂದ್ರೀಯ ಸಾಂಖ್ಯಿಕ ಕಚೇರಿ (ಸಿಎಸ್‌ಒ) ಮಾಹಿತಿ ನೀಡಿದೆ.

ಕೈಗಾರಿಕಾ ಉತ್ಪಾದನಾ ಸೂಚ್ಯಂಕದ (ಐಐಪಿ) ಆಧಾರದ ಮೇಲೆ ಲೆಕ್ಕ ಹಾಕುವ ಪ್ರಗತಿಯು 2017ರ ಏಪ್ರಿಲ್‌ನಲ್ಲಿ ಶೇ 3.2 ರಷ್ಟಿತ್ತು. ಅದಕ್ಕೆ ಹೋಲಿಸಿದರೆ 2018ರ ಏಪ್ರಿಲ್‌ನಲ್ಲಿ ಶೇ 1.7 ರಷ್ಟು ಹೆಚ್ಚಾಗಿದೆ.

2018ರ ಮಾರ್ಚ್‌ನಲ್ಲಿ ಶೇ 4.4ರಷ್ಟು ಪ್ರಗತಿ ಸಾಧ್ಯವಾಗಿತ್ತು.

ತಯಾರಿಕಾ ವಲಯವು ಕೈಗಾರಿಕಾ ಪ್ರಗತಿಗೆ ಶೇ 77ರಷ್ಟು ಕೊಡುಗೆ ನೀಡುತ್ತಿದ್ದು, ಏಪ್ರಿಲ್‌ನಲ್ಲಿ ಶೇ 5.2 ರಷ್ಟು ಪ್ರಗತಿ ಸಾಧಿಸಿದೆ. ಗಣಿ ಚಟುವಟಿಕೆಯೂ ಶೇ 3 ರಿಂದ ಶೇ 5.1ಕ್ಕೆ ಏರಿಕೆಯಾಗಿದೆ.