ಸ್ಯಾನ್ ಫ್ರಾನ್ಸಿಸ್ಕೊ:ಭಾರತೀಯ–ಅಮೆರಿಕನ್ ಸುಂದರ್ ಪಿಚೈ ನೇತೃತ್ವ ವಹಿಸಿರುವ ಗೂಗಲ್ನ ಮಾತೃ ಸಂಸ್ಥೆ ಆಲ್ಫಾಬೆಟ್ 1 ಟ್ರಿಲಿಯನ್ ಡಾಲರ್ (₹ 71.05 ಲಕ್ಷ ಕೋಟಿ) ಮೌಲ್ಯ ಹೊಂದಿರುವ ಅಮೆರಿಕದ ಕಂಪನಿಗಳ ಸಾಲಿಗೆ ಸೇರ್ಪಡೆಯಾಗಿದೆ. ಅತಿ ಹೆಚ್ಚು ಮಾರುಕಟ್ಟೆ ಮೌಲ್ಯ ಹೊಂದಿರುವ ನಾಲ್ಕನೇ ಕಂಪನಿಯಾಗಿದೆ.
ಗುರುವಾರ ಆಲ್ಫಾಬೆಟ್ ಕಂಪನಿ ಷೇರು 1,451.70 ಡಾಲರ್ಗಳಲ್ಲಿ ವಹಿವಾಟು ಮುಕ್ತಾಯವಾಗುವ ಮೂಲಕ ಕಂಪನಿಯ ಮಾರುಕಟ್ಟೆ ಮೌಲ್ಯ 1 ಟ್ರಿಲಿಯನ್ ಡಾಲರ್ (₹ 71.05 ಲಕ್ಷ ಕೋಟಿ) ತಲುಪಿತು.
ಆ್ಯಪಲ್, ಮೈಕ್ರೊಸಾಫ್ಟ್ ಹಾಗೂ ಅಮೆಜಾನ್ ಸಾಲಿಗೆ ಆಲ್ಫಾಬೆಟ್ ಸೇರ್ಪಡೆಯಾಗಿದೆ. ಐಫೋನ್ ತಯಾರಿಸುವ ಆ್ಯಪಲ್ ಕಂಪನಿ 2018ರಲ್ಲಿ ಮೊದಲ ಬಾರಿಗೆ 1 ಟ್ರಿಲಿಯನ್ ಡಾಲರ್ ಮಾರುಕಟ್ಟೆ ಮೌಲ್ಯದ ಗಡಿ ದಾಟಿತು.
ಆಲ್ಫಾಬೆಟ್ ಸಂಸ್ಥಾಪಕರಾದ ಲ್ಯಾರಿ ಪೇಜ್ ಮತ್ತು ಸೆರ್ಗಿ ಬ್ರಿನ್ ಆಡಳಿತಹೊಣೆಗಾರಿಕೆಗಳಿಂದ ಕೆಳಗಿಳಿಯುವುದಾಗಿ ಕಳೆದ ವರ್ಷ ಡಿಸೆಂಬರ್ನಲ್ಲಿ ಘೋಷಿಸಿದರು. 2004ರಿಂದ ಗೂಗಲ್ ಬೆಳವಣಿಗೆಯಲ್ಲಿ ಕೈಜೋಡಿಸಿರುವ ಸುಂದರ್ ಪಿಚೈ ಅವರನ್ನು ಆಲ್ಫಾಬೆಟ್ ಸಿಇಒ ಆಗಿ ನೇಮಿಸಲಾಯಿತು.2020ರಲ್ಲಿ ಪಿಚೈಗೆ ₹ 1,707 ಕೋಟಿ ಮೌಲ್ಯದ ಷೇರು ಹಾಗೂ ₹ 14.22 ಕೋಟಿ ವೇತನ ಪಡೆಯಲಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.