ಭಾರತದ ಬಿಯರ್ ಉದ್ಯಮದಿಂದ ಜಿಡಿಪಿಗೆ ₹93,234 ಕೋಟಿ ಕೊಡುಗೆ: ಬಿಎಐ

ಬೆಂಗಳೂರು: ಭಾರತದ ಜಿಡಿಪಿಗೆ 2023 ನೇ ಸಾಲಿನಲ್ಲಿ ಭಾರತದ ಬಿಯರ್ ಉದ್ಯಮ ಬರೋಬ್ಬರಿ ₹93,234 ಕೋಟಿ ಕೊಡುಗೆ ನೀಡಿದೆ ಎಂದು ಬ್ರೂವರ್ಸ್ ಅಸೋಸಿಯೇಷನ್ ​​ಆಫ್ ಇಂಡಿಯಾ ಹೇಳಿದೆ.

ಈ ಪ್ರಮಾಣ ಒಟ್ಟು ಜಿಡಿಪಿಯ ಶೇ 0.3 ಎಂದು ಅಕ್ಸಫರ್ಡ್ ಎಕನಾಮಿಕ್ಸ್ ತಯಾರಿಸಿದ ವರದಿಗೆ ಅಸೋಸಿಯೇಷನ್ ತಿಳಿಸಿದೆ.

ಜಾಗತಿಕ ಜಿಡಿಪಿಗೆ ₹76 ಲಕ್ಷ ಕೋಟಿ ಕೊಡುಗೆಯನ್ನು ಬಿಯರ್ ಉದ್ಯಮ ನೀಡುತ್ತದೆ ಎಂದು ಹೇಳಿದೆ.

ಭಾರತದಲ್ಲಿ ಬಿಯರ್ ಉದ್ಯಮ ಪ್ರತ್ಯಕ್ಷ ಪರೋಕ್ಷವಾಗಿ ಸುಮಾರು 13 ಲಕ್ಷ ಜನರಿಗೆ ಉದ್ಯೋಗ ನೀಡಿದೆ ಎಂದು ಬ್ರೂವರ್ಸ್ ಅಸೋಸಿಯೇಷನ್ ​​ಆಫ್ ಇಂಡಿಯಾದ ಪ್ರಧಾನ ನಿರ್ದೇಶಕ ವಿವೇಕ್ ಗಿರಿ ಹೇಳಿದ್ದಾರೆ.