Canara Bank: ಕೆನರಾ ಬ್ಯಾಂಕ್‌ ಬಡ್ಡಿ ಇಳಿಕೆ

ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ಕೆನರಾ ಬ್ಯಾಂಕ್‌ ರೆಪೊ ಆಧಾರಿತ ಸಾಲದ ಮೇಲಿನ ಬಡ್ಡಿ ದರವನ್ನು ಶೇಕಡ 0.25ರಷ್ಟು ಕಡಿಮೆ ಮಾಡಿದೆ. ಈ ಸಾಲಗಳ ಬಡ್ಡಿ ದರವು ಶೇ 8.25ರಷ್ಟು ಇದ್ದಿದ್ದುಈಗ ಶೇ 8ಕ್ಕೆ ಇಳಿದಿದೆ.

ಭಾರತೀಯ ರಿಸರ್ವ್‌ ಬ್ಯಾಂಕ್‌ ಈಚೆಗೆ ರೆಪೊ ದರ‌ವನ್ನು ಶೇ 0.25ರಷ್ಟು ತಗ್ಗಿಸಿದೆ. ರೆಪೊ ದರ ಇಳಿಕೆಯ ಪೂರ್ತಿ ಪ್ರಯೋಜನವನ್ನು ಕೆನರಾ ಬ್ಯಾಂಕ್‌ ತನ್ನ ಗ್ರಾಹಕರಿಗೆ ವರ್ಗಾವಣೆ ಮಾಡಿದೆ ಎಂದು ಪ್ರಕಟಣೆ ತಿಳಿಸಿದೆ.

ಪರಿಷ್ಕೃತ ದರವು ಡಿಸೆಂಬರ್‌ 12ರಿಂದಲೇ ಅನ್ವಯವಾಗುತ್ತವೆ ಎಂದೂ ಬ್ಯಾಂಕ್ ಹೇಳಿದೆ.