ಸೀಲಿಂಗ್ ಫ್ಯಾನ್‌ ದರ ಶೇ 10ರವರೆಗೆ ಹೆಚ್ಚಳ ಸಾಧ್ಯತೆ
ನವದೆಹಲಿ: ಸೀಲಿಂಗ್ ಫ್ಯಾನ್‌ಗಳಲ್ಲಿ ವಿದ್ಯುತ್ ಉಳಿತಾಯದ ಕ್ಷಮತೆಯನ್ನು ಸೂಚಿಸುವ ಸ್ಟಾರ್ ರೇಟಿಂಗ್‌ ನಮೂದಿಸುವುದನ್ನು ಇಂಧನ ಕ್ಷಮತೆ ಬ್ಯೂರೊ (ಬಿಇಇ) ಜನವರಿ 1ರಿಂದ ಕಡ್ಡಾಯ ಮಾಡಿದೆ. ಹೀಗಾಗಿ ಸೀಲಿಂಗ್ ಫ್ಯಾನ್‌ಗಳ ಬೆಲೆಯು ಶೇಕಡ 8–10ರವರೆಗೆ ಏರಿಕೆ ಆಗುವ ನಿರೀಕ್ಷೆ ಮಾಡಲಾಗಿದೆ.
ಕಂಪನಿಗಳು ತಮ್ಮ ಫ್ಯಾನ್‌ಗಳ ಮೇಲೆ 1ರಿಂದ 5ರವರೆಗೆ ಸ್ಟಾರ್ ರೇಟಿಂಗ್ಸ್‌ ನಮೂದಿಸಬೇಕು. 1 ಸ್ಟಾರ್ ರೇಟಿಂಗ್‌ ಹೊಂದಿದ್ದರೆ ಅದು ಕನಿಷ್ಠ ಶೇ 30ರಷ್ಟು ವಿದ್ಯುತ್ ಉಳಿತಾಯ ಮಾಡುತ್ತದೆ. 5 ಸ್ಟಾರ್ ರೇಟಿಂಗ್‌ ಹೊಂದಿದ್ದರೆ ಶೇ 50ಕ್ಕೂ ಅಧಿಕ ವಿದ್ಯುತ್ ಉಳಿತಾಯ ಮಾಡುವ ಕ್ಷಮತೆ ಹೊಂದಿರುತ್ತದೆ.
ಹ್ಯಾವೆಲ್ಸ್‌, ಓರಿಯಂಟ್‌ ಎಲೆಕ್ಟ್ರಿಕ್‌ ಮತ್ತು ಉಷಾ ಇಂಟರ್‌ನ್ಯಾಷನಲ್‌ ಕಂಪನಿಗಳು ಈ ನಿರ್ಧಾರವನ್ನು ಸ್ವಾಗತಿಸಿವೆ. ಆದರೆ, 5 ಸ್ಟಾರ್ ಹೊಂದಿರುವ ಫ್ಯಾನ್‌ಗಳಿಗೆ ಬಳಸುವ ಮೋಟರ್‌ ಮತ್ತು ಎಲೆಕ್ಟ್ರಾನಿಕ್‌ ಬಿಡಿಭಾಗಗಳನ್ನು ಆಮದು ಮಾಡಿಕೊಳ್ಳಬೇಕಾಗಿರುವುದರಿಂದ ತಯಾರಿಕಾ ವೆಚ್ಚವು ಶೇ 5–20ರವರೆಗೂ ಹೆಚ್ಚಾಗಲಿದೆ ಎಂದು ಹೇಳಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.