ಚಿನ್ನ, ಬೆಳ್ಳಿ ಬೆಲೆ ಇಳಿಕೆ: ಪ್ರತಿ 10 ಗ್ರಾಂ ಬಂಗಾರದ ದರ ₹600ರಷ್ಟು ಕುಸಿತ

ನವದೆಹಲಿ: ಪ್ರತಿ ಹತ್ತು ಗ್ರಾಂ ಚಿನ್ನದ ದರ ₹600ರಷ್ಟು ಇಳಿಕೆಯಾಗಿದೆ. ಇದರಿಂದಾಗಿ ಶುದ್ಧ ಬಂಗಾರವು ಪ್ರತಿ ಹತ್ತು ಗ್ರಾಂಗೆ ₹99,960ರಂತೆ ದೆಹಲಿಯಲ್ಲಿ ಶುಕ್ರವಾರ ಮಾರಾಟವಾಗಿದೆ.

ಶೇ 99.9 ಶುದ್ಧತೆಯ ಬಂಗಾರದ ಬೆಲೆ ಪ್ರತಿ 10 ಗ್ರಾಂಗೆ ಗುರುವಾರ ₹1,00,560 ಇತ್ತು. ಶೇ 99.5ರಷ್ಟು ಶುದ್ಧತೆಯ ಚಿನ್ನದ ಬೆಲೆ ಪ್ರತಿ ಹತ್ತು ಗ್ರಾಂಗೆ ₹550ರಷ್ಟು ಕುಸಿದಿದೆ. ಇದು ₹99,250ಕ್ಕೆ ಮಾರಾಟವಾಗಿದೆ. ಗುರುವಾರ ಇದರ ಬೆಲೆ ₹99,800ರಷ್ಟಿತ್ತು.

ಬೆಳ್ಳಿ ಬೆಲೆಯೂ ಪ್ರತಿ ಕೆ.ಜಿ.ಗೆ ₹2 ಸಾವಿರದಷ್ಟು ಕುಸಿತ ದಾಖಲಿಸಿದೆ. ಗುರುವಾರ ಪ್ರತಿ ಕೆ.ಜಿಗೆ ₹1,07,200ರಷ್ಟು ಬೆಲೆ ಇತ್ತು. ಶುಕ್ರವಾರ ಇದು ₹1,05,200ಕ್ಕೆ ಇಳಿಕೆಯಾಗಿದೆ. ಕಳೆದ ಮೂರು ವಾರಗಳಲ್ಲಿ ಬೆಳ್ಳಿಯ ಬೆಲೆ ಕುಸಿದಿದ್ದು ಇದೇ ಮೊದಲು. 

ಇರಾನ್ ಹಾಗೂ ಇಸ್ರೇಲ್‌ ನಡುವಿನ ಯುದ್ಧ ಹಾಗೂ ರೂಪಾಯಿ ಬೆಲೆ ಕುಸಿತವೂ ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನ ಹಾಗೂ ಬೆಳ್ಳಿ ಬೆಲೆ ಕುಸಿತಕ್ಕೆ ಕಾರಣವಾಗಿದೆ ಎಂದು ವಿಶ್ಲೇಷಿಸಲಾಗಿದೆ.