ಜಿಎಸ್‌ಟಿ ತಿಂಗಳ ರಿಟರ್ನ್‌ ಅಕ್ಟೋಬರ್‌ನಿಂದ ಜಾರಿ
Published 11 ಜೂನ್ 2019, 16:57 IST
ನವದೆಹಲಿ: ತಿಂಗಳಿಗೆ ಒಮ್ಮೆ ಸಲ್ಲಿಸುವ ಹೊಸ ಜಿಎಸ್‌ಟಿ ರಿಟರ್ನ್‌ ವ್ಯವಸ್ಥೆ ಜಾರಿಗೆ ಬರಲು ಮೂರು ತಿಂಗಳು ವಿಳಂಬವಾಗಲಿದೆ ಎಂದುಕೇಂದ್ರ ಹಣಕಾಸು ಸಚಿವಾಲಯ ತಿಳಿಸಿದೆ.
ಹೊಸ ವ್ಯವಸ್ಥೆಯು 2019ರ ಜುಲೈನಿಂದ ಜಾರಿಗೆ ಬರಲಿದೆ ಎಂದು ಜಿಎಸ್‌ಟಿ ಮಂಡಳಿ ಕಳೆದ ವರ್ಷ ಹೇಳಿತ್ತು. ಗಡುವು ವಿಸ್ತರಣೆಯಿಂದಾಗಿ ಅಕ್ಟೋಬರ್‌ನಿಂದ ಜಾರಿಗೆ ಬರಲಿದೆ.
ಉದ್ದಿಮೆಗಳು ಹೊಸ ವ್ಯವಸ್ಥೆಯನ್ನುಪ್ರಾಯೋಗಿಕವಾಗಿ ಜುಲೈನಿಂದ ಸೆಪ್ಟೆಂಬರ್‌ವರೆಗೆ ಬಳಸಬಹುದು. ಅಕ್ಟೋಬರ್‌ನಿಂದ ಜಿಎಸ್‌ಟಿ ಎಎನ್ಎಕ್ಸ್–1 ಮತ್ತು ಜಿಎಸ್‌ಟಿ ಎಎನ್ಎಕ್ಸ್–2 ಬಳಕೆಗೆ ಬರಲಿವೆ. ಸದ್ಯ ಇರುವ ಜಿಎಸ್‌ಟಿಆರ್‌–3ಬಿಗೆ ಬದಲಾಗಿ2020ರ ಜನವರಿಯಿಂದ ಹೊಸ ಜಿಎಸ್‌ಟಿ ಆರ್‌ಇಟಿ–01 ಜಾರಿಗೆ ಬರಲಿದೆ ಎಂದೂ ಸಚಿವಾಲಯ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.