ತೆರಿಗೆ ಬಾಕಿ: ಐಸಿಐಸಿಐ ವಿಮಾ ಕಂಪನಿಗೆ ನೋಟಿಸ್‌ ಜಾರಿ

ನವದೆಹಲಿ: 2023–24ನೇ ಮೌಲ್ಯಮಾಪನ ವರ್ಷದಲ್ಲಿನ ₹328 ಕೋಟಿ ತೆರಿಗೆ ಬಾಕಿಗೆ ಸಂಬಂಧಿಸಿದಂತೆ ಐಸಿಐಸಿಐ ಪ್ರುಡೆನ್ಶಿಯಲ್‌ ಲೈಫ್‌ ಇನ್ಶೂರೆನ್ಸ್‌ ಕಂಪನಿಗೆ ಆದಾಯ ತೆರಿಗೆ ಇಲಾಖೆಯು ನೋಟಿಸ್‌ ನೀಡಿದೆ.

ಮಹಾರಾಷ್ಟ್ರದ ಸಹಾಯಕ ತೆರಿಗೆ ಆಯುಕ್ತರು ಈ ನೋಟಿಸ್‌ ನೀಡಿದ್ದಾರೆ ಎಂದು ಕಂಪನಿಯು, ಷೇರುಪೇಟೆಗೆ ಮಾಹಿತಿ ನೀಡಿದೆ.

ಇತರೆ ಮೂಲಗಳಿಂದ ಮಧ್ಯಸ್ಥಗಾರರು ಗಳಿಸಿದ ಆದಾಯ, ಮಾರುಕಟ್ಟೆ ಮತ್ತು ಜಾಹೀರಾತು ವೆಚ್ಚಕ್ಕೆ ಸಂಬಂಧಿಸಿದ ಆದಾಯ ಕುರಿತು ನೋಟಿಸ್‌ ನೀಡಲಾಗಿದೆ. ಇದನ್ನು ಪ್ರಶ್ನಿಸಿ ಮೇಲ್ಮನವಿ ಸಲ್ಲಿಸಲಾಗುವುದು ಎಂದು ಹೇಳಿದೆ.