ಜಿಯೊ: ₹ 9,093 ಕೋಟಿ ಹೂಡಿಕೆ

ನವದೆಹಲಿ: ತನ್ನ ಡಿಜಿಟಲ್‌ ಘಟಕ ಜಿಯೊ ಪ್ಲಾಟ್‌ಫಾರ್ಮ್ಸ್‌ನ ಶೇ 1.85 ಪಾಲು ಬಂಡವಾಳವನ್ನು ಮುಕೇಶ್‌ ಅಂಬಾನಿ ಒಡೆತನದ ರಿಲಯನ್ಸ್‌ ಇಂಡಸ್ಟ್ರೀಸ್‌ (ಆರ್‌ಐಎಲ್‌), ಅಬುಧಾಬಿಯ ಮುಬಾದಲಾ ಇನ್ವೆಸ್ಟ್‌ಮೆಂಟ್‌ ಕಂಪನಿಗೆ ₹ 9,093.60 ಕೋಟಿ ಮೊತ್ತಕ್ಕೆ ಮಾರಾಟ ಮಾಡಿದೆ.

ಜಿಯೊ ಪ್ಲಾಟ್‌ಫಾರ್ಮ್ಸ್‌ನಲ್ಲಿನ 6ನೇ ಹೂಡಿಕೆ ಇದು. ಇದುವರೆಗಿನ ಹೂಡಿಕೆಗಳ ಒಟ್ಟಾರೆ ಮೊತ್ತವು ₹ 87,655.35 ಕೋಟಿಯಾಗಿದೆ. ಜಿಯೊ ಪ್ಲಾಟ್‌ಫಾರ್ಮ್ಸ್‌ನಲ್ಲಿ ಈಗಾಗಲೇ ಫೇಸ್‌ಬುಕ್‌, ಸಿಲ್ವರ್‌ ಲೇಕ್‌, ವಿಸ್ತಾ ಈಕ್ವಿಟಿ ಪಾರ್ಟ್‌ನರ್ಸ್‌, ಜನರಲ್‌ ಅಟ್ಲಾಂಟಿಕ್‌ ಪಾಲು ಖರೀದಿ ಒಪ್ಪಂದ ಮಾಡಿಕೊಂಡಿವೆ. ಆರು ವಾರಗಳಲ್ಲಿನ 6ನೇ ಪಾಲು ಮಾರಾಟ ಇದಾಗಿದೆ.