ಚೆನ್ನೈ: ಕಾರ್ ತಯಾರಿಕಾ ಕಂಪನಿ ರೆನೊ ಇಂಡಿಯಾ, 2019ರಲ್ಲಿ 88,869 ಕಾರ್ಗಳನ್ನು ಮಾರಾಟ ಮಾಡಿದೆ.
2018ರಲ್ಲಿನ ಮಾರಾಟಕ್ಕೆ ಹೋಲಿಸಿದರೆ ಈ ಬಾರಿ ಶೇ 8ರಷ್ಟು ಹೆಚ್ಚಳ ಸಾಧಿಸಲಾಗಿದೆ. ಕ್ಯಾಲೆಂಡರ್ ವರ್ಷದ ಕೊನೆಯ ತ್ರೈಮಾಸಿಕದಲ್ಲಿ 34,362 ಕಾರ್ಗಳು ಮಾರಾಟವಾಗಿವೆ. ವರ್ಷದ ಹಿಂದಿನ ಮಾರಾಟಕ್ಕೆ ಹೋಲಿಸಿದರೆ ಇದು ಶೇ 68 ರಷ್ಟು ಹೆಚ್ಚಳ ಕಂಡಿದೆ. ಆಗಸ್ಟ್ನಲ್ಲಿ ಪರಿಚಯಿಸಿದ್ದ 7 ಸೀಟುಗಳ ಕಾಂಪ್ಯಾಕ್ಟ್ ಮಲ್ಟಿಪರ್ಪಸ್ ವೆಹಿಕಲ್ (ಎಂಪಿವಿ) ‘ಟ್ರೈಬರ್’ನ ಮಾರಾಟ 24,142ಕ್ಕೆ ತಲುಪಿದೆ.
‘2020ರಲ್ಲಿ ವಾಹನಗಳ ತಯಾರಿಕೆಯನ್ನು ದುಪ್ಪಟ್ಟುಗೊಳಿಸಲು ನಿರ್ಧರಿಸಲಾಗಿದೆ. ದ್ವಿತೀಯಾರ್ಧದಲ್ಲಿ ಹೊಸ ಕಾರ್, 2021ರ ಅಂತ್ಯಕ್ಕೆ ವಿದ್ಯುತ್ ಚಾಲಿತ ಕಾರ್ ಪರಿಚಯಿಸಲಾಗುವುದು’ ಎಂದು ಕಂಪನಿಯ ಸಿಇಒ ವೆಂಕಟರಾಂ ಎಂ. ಅವರು ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.