ರೂಪಾಯಿ ಮೌಲ್ಯ 61 ಪೈಸೆ ಏರಿಕೆ

ಮುಂಬೈ: ದೇಶೀಯ ಷೇರುಪೇಟೆ ಏರಿಕೆಯು ರೂಪಾಯಿಗೆ ಬಲ ನೀಡಿದ್ದು, ಶುಕ್ರವಾರ ನಡೆದ ವಹಿವಾಟಿನಲ್ಲಿ ರೂಪಾಯಿ ಮೌಲ್ಯವು 61 ಪೈಸೆ ಏರಿಕೆ ಕಂಡಿದೆ. 

ಪ್ರತೀ ಡಾಲರ್ ಮೌಲ್ಯ ₹86.07 ಆಗಿದೆ. 

ಡಾಲರ್ ಸೂಚ್ಯಂಕವು ಮೂರು ವರ್ಷದ ಅವಧಿಯಲ್ಲಿ ಮೊದಲ ಬಾರಿಗೆ 100 ಅಂಶಕ್ಕಿಂತ ಕೆಳಗಿಳಿಸಿದೆ. ಇದು ರೂಪಾಯಿ ಮೌಲ್ಯ ಏರಿಕೆಗೆ ಕಾರಣವಾಗಿದೆ ಎಂದು ಮಾರುಕಟ್ಟೆ ತಜ್ಞರು ತಿಳಿಸಿದ್ದಾರೆ.

ಡಾಲರ್‌ ಸೂಚ್ಯಂಕವು ಶೇ 1.52ರಷ್ಟು ಇಳಿಕೆಯಾಗಿದೆ. ಅಮೆರಿಕ ಮತ್ತು ಚೀನಾ ನಡುವಿನ ಸುಂಕ ಸಮರದಿಂದ ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್‌ ಮೌಲ್ಯ ಇಳಿಕೆಯಾಗುತ್ತಿದೆ ಎಂದು ಹೇಳಿದ್ದಾರೆ.