ತೈಲ ಉತ್ಪಾದನೆ ಹೆಚ್ಚಿಸಲು ಸಿದ್ಧ: ಸೌದಿ ಅರೇಬಿಯಾ

ರಿಯಾದ್: ಜಾಗತಿಕ ತೈಲ ಮಾರುಕಟ್ಟೆಯಲ್ಲಿ ಸಮತೋಲನ ಮೂಡಿಸಲು, ಉತ್ಪಾದನೆ ಹೆಚ್ಚಿಸಲು ಸಿದ್ಧವಿರುವುದಾಗಿ ಸೌದಿ ಅರೇಬಿಯಾದ ಇಂಧನ ಸಚಿವ ಖಾಲಿದ್‌ ಅಲ್‌ ಫಲಿಹ್‌ ತಿಳಿಸಿದ್ದಾರೆ.

‘ಬೇಡಿಕೆ ಪೂರೈಸಲು ಸೌದಿ ಅರೇಬಿಯಾ ಈಗಾಗಲೇ ತನ್ನ ದಿನದ ಉತ್ಪಾದನೆಯನ್ನು 1.05 ಕೋಟಿ ಬ್ಯಾರೆಲ್‌ಗಳಿಗೆ ಹೆಚ್ಚಿಸಿದೆ. ಇದಲ್ಲದೆ 20 ಲಕ್ಷ ಬ್ಯಾರೆಲ್‌ ಹೆಚ್ಚುವರಿ ತೈಲ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದ್ದು, ಅಗತ್ಯ ಬಿದ್ದಾಗ ಅದನ್ನು ಬಳಸಿಕೊಳ್ಳ
ಲಿದೆ’ ಎಂದಿದ್ದಾರೆ.

ಮಂಗಳವಾರ ನಡೆದ ಹೂಡಿಕೆದಾರ ಸಮಾವೇಶದಲ್ಲಿ ಮಾತನಾಡಿದ ಅವರು, ‘ತೈಲ ಮಾರುಕಟ್ಟೆಯಲ್ಲಿನ ಸಹಕಾರ ಮುಂದುವರಿಸಲು ಒಪೆಕ್‌ ಮತ್ತು ಒಪೆಕ್‌ ಸದಸ್ಯರಲ್ಲದ ರಾಷ್ಟ್ರಗಳುಡಿಸೆಂಬರ್‌ನಲ್ಲಿ ಮುಕ್ತ ಒಪ್ಪಂದಕ್ಕೆ ಸಹಿ ಹಾಕಲಿವೆ’ ಎಂದು ತಿಳಿಸಿದ್ದಾರೆ.