ಬಾಂಡ್‌ ಹಂಚಿಕೆಯ ಮೂಲಕ ಎಸ್‌ಬಿಐನಿಂದ ₹20 ಸಾವಿರ ಕೋಟಿ ಸಂಗ್ರಹ

ನವದೆಹಲಿ: ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಬಾಂಡ್‌ ಹಂಚಿಕೆಯ ಮೂಲಕ ದೇಶಿ ಹೂಡಿಕೆದಾರರಿಂದ ₹20 ಸಾವಿರ ಕೋಟಿ ಬಂಡವಾಳ ಸಂಗ್ರಹಿಸಲು ನಿರ್ಧರಿಸಲಾಗಿದೆ ಎಂದು ಭಾರತೀಯ ಸ್ಟೇಟ್‌ ಬ್ಯಾಂಕ್‌ (ಎಸ್‌ಬಿಐ) ತಿಳಿಸಿದೆ.

ಬಾಸೆಲ್‌–3, ಹೆಚ್ಚುವರಿ ಟಯರ್–1 ಮತ್ತು ಟಯರ್–2 ಬಾಂಡ್‌ಗಳ ಮೂಲಕ ಬಂಡವಾಳ ಸಂಗ್ರಹಿಸಲು ಬ್ಯಾಂಕ್‌ನ ಆಡಳಿತ ಮಂಡಳಿ ಅನುಮೋದನೆ ನೀಡಿದೆ ಎಂದು ಬ್ಯಾಂಕ್‌ ಷೇರುಪೇಟೆಗೆ ಬುಧವಾರ ತಿಳಿಸಿದೆ.

ಈ ಬಂಡವಾಳ ಸಂಗ್ರಹಕ್ಕೆ ಅಗತ್ಯ ಇರುವೆಡೆಗಳಲ್ಲಿ ಸರ್ಕಾರದ ಅನುಮತಿಯನ್ನೂ ಪಡೆಯಬೇಕಾಗುತ್ತದೆ ಎಂದು ಅದು ತಿಳಿಸಿದೆ.

Highlights - null