ಟೊಮೆಟೊ ಕೆ.ಜಿಗೆ ಗರಿಷ್ಠ ₹ 72ವರೆಗೂ ಏರಿಕೆ

ನವದೆಹಲಿ: ಮಹಾನಗರಗಳ ಚಿಲ್ಲರೆ ಮಾರುಕಟ್ಟೆಗಳಲ್ಲಿ ಟೊಮೆಟೊ ದರವು ಕೆ.ಜಿ.ಗೆ ₹ 72ರವರೆಗೂ ಏರಿಕೆ ಆಗಿದೆ. ಕೋಲ್ಕತ್ತದಲ್ಲಿ ಮಂಗಳವಾರ ಕೆ.ಜಿ ಟೊಮೆಟೊ ಬೆಲೆ ₹ 72ರಷ್ಟು ಇತ್ತು. ಕಳೆದ ತಿಂಗಳ ಇದೇ ಅವಧಿಯಲ್ಲಿ ಕೆ.ಜಿ.ಗೆ ₹ 38ರಂತೆ ಮಾರಾಟ ಆಗಿತ್ತು. ದೆಹಲಿ ಮತ್ತು ಚೆನ್ನೈನಲ್ಲಿ ಕೆ.ಜಿ.ಗೆ ₹ 57ಕ್ಕೆ ಏರಿಕೆ ಆಗಿದೆ ಎಂದು ಗ್ರಾಹಕ ವ್ಯವಹಾರಗಳ ಸಚಿವಾಲಯದ ಅಂಕಿ–ಅಂಶವು ತಿಳಿಸಿದೆ.

ಮುಂಬೈನಲ್ಲಿ ಚಿಲ್ಲರೆ ಮಾರಾಟ ದರ ಕೆ.ಜಿಗೆ ₹ 15 ರಷ್ಟು ಇದ್ದಿದ್ದು ₹ 53ಕ್ಕೆ ಏರಿಕೆ ಆಗಿದೆ. ಟೊಮೆಟೊ ಬೆಳೆಯುವ ಪ್ರಮುಖ ರಾಜ್ಯಗಳಾದ ಮಧ್ಯಪ್ರದೇಶ ಮತ್ತು ಮಹಾರಾಷ್ಟ್ರದಲ್ಲಿ ಅಕಾಲಿಕ ಮಳೆ ಸುರಿದು ಆಗಿರುವ ಬೆಳೆ ಹಾನಿ ಹಾಗೂ ಪೂರೈಕೆ ಕೊರತೆಯೇ ಬೆಲೆ ಹೆಚ್ಚಳಕ್ಕೆ ಕಾರಣ ಎಂದು ವರ್ತಕರು ತಿಳಿಸಿದ್ದಾರೆ.