ಮುಂಬೈ, ದೆಹಲಿ ಕಚೇರಿ ಸ್ಥಗಿತಗೊಳಿಸಿದ ಟ್ವಿಟರ್: ಮನೆಯಿಂದಲೇ ಕೆಲಸ

ನವದೆಹಲಿ: ಟ್ವಿಟರ್ ಕಂಪನಿಯು ದೆಹಲಿ ಮತ್ತು ಮುಂಬೈನ ಕಚೇರಿಗಳನ್ನು ಸ್ಥಗಿತಗೊಳಿಸಿದ್ದು, ಅಲ್ಲಿನ ನೌಕರರಿಗೆ ಮನೆಯಿಂದಲೇ ಕೆಲಸ ಮಾಡುವಂತೆ ಸೂಚಿಸಿದೆ ಎಂದು ಮೂಲಗಳು ತಿಳಿಸಿವೆ.

ಹೆಚ್ಚಾಗಿ ಎಂಜಿನಿಯರ್‌ಗಳೇ ಕೆಲಸ ಮಾಡುವ ಬೆಂಗಳೂರಿನ ಕಚೇರಿಯನ್ನು ಉಳಿಸಿಕೊಳ್ಳಲಾಗಿದೆ. ಟ್ವಿಟರ್‌ ಕಡೆಯಿಂದ ಈ ಕುರಿತು ಪ್ರತಿಕ್ರಿಯೆ ಲಭ್ಯವಾಗಿಲ್ಲ.

ಟ್ವಿಟರ್ ಕಂಪನಿಯು ಜಾಗತಿಕವಾಗಿ ವೆಚ್ಚಗಳನ್ನು ಕಡಿಮೆ ಮಾಡಲು ಮುಂದಾಗಿದೆ.