ಪ್ರಶ್ನೋತ್ತರ | ಹಣಕಾಸು ಹೂಡಿಕೆ, ತೆರಿಗೆ ಸಂಬಂಧಿತ ಪ್ರಶ್ನೆಗಳಿಗೆ ತಜ್ಞರ ಉತ್ತರ

ನೀವು ಈಗಾಗಲೇ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಿದ ಅನುಭವ ಹೊಂದಿದ್ದೀರಿ. ಹೆಚ್ಚುವರಿ ಹೂಡಿಕೆಗೆ ಪೋರ್ಟ್‌ಫೋಲಿಯೊ ನಿರ್ವಹಣಾ ಸಂಸ್ಥೆಗಳ ಸೇವೆ ಪಡೆಯುವ ಯೋಚನೆಯಲ್ಲಿದ್ದೀರಿ. ತಜ್ಞ ನಿರ್ವಹಣೆ, ವೈವಿಧ್ಯ ಹೂಡಿಕೆ ಹಾಗೂ ಮಾರುಕಟ್ಟೆಯ ದೀರ್ಘಾವಧಿ ಪರಿಶೀಲನಾ ಪ್ರಕ್ರಿಯೆ ಗಮನಿಸಿ ನಿಮಗೆ ಇಂತಹ ಸೇವೆಗಳ ಬಗ್ಗೆ ಸಲಹೆ ನೀಡಲಾಗುತ್ತದೆ ಅಥವಾ ನಿಮ್ಮ ಹಣ ಹೂಡಿಕೆ ಮಾಡಲಾಗುತ್ತದೆ.

ಪಿಎಂಎಸ್ ಸೇವೆ ಆಯ್ಕೆ ಮಾಡುವಾಗ ಸಂಸ್ಥೆಯ ಸ್ಥಿರತೆ, ನಿರ್ವಹಣಾ ಶುಲ್ಕ ಮತ್ತು ಹೂಡಿಕೆ ಮುಂತಾದ ಅಂಶಗಳನ್ನು ಪರಿಗಣಿಸಿ. ಕೆಲವು ಸೇವೆಗಳು ನಿಮಗೆ ಹೂಡಿಕೆ ಬಗ್ಗೆ ನಿರ್ದೇಶನ ನೀಡುತ್ತವೆ ಅಥವಾ ತಾವೇ ನಿಮ್ಮ ಪರವಾಗಿ ನಿರ್ಧಾರ ಕೈಗೊಂಡು ಹೂಡಿಕೆ ಮಾಡುತ್ತವೆ. ಇಂತಹ ಸಂದರ್ಭದಲ್ಲಿ ನಿಮ್ಮ ಮತ್ತು ಸೇವಾ ಸಂಸ್ಥೆಯ ಜವಾಬ್ದಾರಿ ಏನು ಎಂಬುದನ್ನು ಮುಖ್ಯವಾಗಿ ನಿರ್ಧರಿಸಿ.

ಕನಿಷ್ಠ ಶುಲ್ಕ ಹಾಗೂ ಹೂಡಿಕೆ ಮೊತ್ತದಲ್ಲಿ ವಿವಿಧ ಸಂಸ್ಥೆಗಳ ನಡುವೆ ವ್ಯತ್ಯಾಸ ಇರುತ್ತದೆ. ಈ ಬಗ್ಗೆ ಚರ್ಚಿಸಿ ನಿರ್ಧರಿಸಿ. ಸಾಮಾನ್ಯವಾಗಿ ಈ ಬಗ್ಗೆ ಸಮಯ ನೀಡಲಾಗದಿದ್ದಾಗ ಮತ್ತು ಮಾರುಕಟ್ಟೆಯಲ್ಲಿ ಸಾಕಷ್ಟು ಬಂಡವಾಳ ತೊಡಗಿಸುವ ಉದ್ದೇಶ ಹೊಂದಿದವರು ಇಂತಹ ಸೇವೆ ಪಡೆಯಲು ಹೆಚ್ಚು ಆಸಕ್ತರಿರುತ್ತಾರೆ.

ಈ ಆಸ್ತಿಯು ಎರಡಕ್ಕೂ ಹೆಚ್ಚು ವರ್ಷ ನಿಮ್ಮ ಒಡೆತನದಲ್ಲಿದೆ. ಹಾಗಾಗಿ, ಇದನ್ನು ದೀರ್ಘಾವಧಿ ಬಂಡವಾಳ ಲಾಭ ಆದಾಯ ಎಂದು ಪರಿಗಣಿಸಲಾಗುತ್ತದೆ. ಈ ಲಾಭದ ಮೇಲೆ ನೀವು ಕಟ್ಟಬೇಕಾದ ತೆರಿಗೆ ಮತ್ತು ತೆರಿಗೆ ಉಳಿಸುವ ಆಯ್ಕೆಗಳನ್ನು ವಿಶ್ಲೇಷಿಸೋಣ.

ನೀವು ಹಿರಿಯ ನಾಗರಿಕರಾಗಿರುವುದರಿಂದ ನಿಮ್ಮ ಆದಾಯ ವಿನಾಯಿತಿ ಮಿತಿ ಯಾವುದೇ ತೆರಿಗೆ ಪದ್ಧತಿಯಾದರೂ ₹3 ಲಕ್ಷ ಆಗಿದೆ. ಡಿವಿಡೆಂಡ್ ಆದಾಯ ಕಳೆದು ಉಳಿದ ₹2 ಲಕ್ಷ ಮೊತ್ತವನ್ನು ಬಂಡವಾಳ ತೆರಿಗೆ ನಿರ್ಧರಿಸುವಾಗ ಮೂಲ ವಿನಾಯಿತಿಯಾಗಿ ತೆರಿಗೆಗೊಳಪಡುವ ಆದಾಯದಿಂದ ಕಡಿತಗೊಳಿಸುವ ಅವಕಾಶವಿದೆ. 

2015ರಲ್ಲಿ ಖರೀದಿಸಿದ ಆಸ್ತಿಯ ಸೂಚೀಕೃತ ಖರೀದಿಯ ವೆಚ್ಚ ಲೆಕ್ಕ ಹಾಕಲು ಆದಾಯ ತೆರಿಗೆ ಇಲಾಖೆಯು ಪ್ರಕಟಿಸಿದ ಆಯಾ ವರ್ಷದ ಹಣದುಬ್ಬರ ಸೂಚ್ಯ೦ಕವನ್ನು ಬಳಸಿಕೊಳ್ಳಬೇಕು. 2015ರಲ್ಲಿ ಈ ಮೌಲ್ಯಾಂಕ 254 ಆಗಿದೆ. 2024-25ರಲ್ಲಿ ಈ ಮೌಲ್ಯಾಂಕ 363 ಆಗಿದೆ. ಈ ಮೂಲಕ ಸೂಚೀಕೃತ ಖರೀದಿ ವೆಚ್ಚ ₹25 ಲಕ್ಷ (363/ 254) ಇದ್ದುದು ₹35.73 ಲಕ್ಷ ಆಗುತ್ತದೆ. ಹೀಗಾಗಿ, ಮೂಲ ವಿನಾಯಿತಿ ಕಳೆದು ಉಳಿದ ಬಂಡವಾಳ ಲಾಭವಾದ ₹22.27 ಲಕ್ಷದ ಮೇಲೆ ಸೆಸ್ ಸಹಿತ ತೆರಿಗೆ ₹4.63 ಲಕ್ಷ ಆಗುತ್ತದೆ.

ಆದರೆ, ಕಳೆದ ವರ್ಷದ ಬಜೆಟ್ ಪ್ರಸ್ತಾಪದಂತೆ ಈ ಇಂಡೆಕ್ಸೇಷನ್ ಲಾಭ ಪಡೆಯದೆ ತೆರಿಗೆ ಲೆಕ್ಕ ಹಾಕುವುದಾದರೆ ಮೂಲ ವಿನಾಯಿತಿ ಕಳೆದು ನೇರವಾಗಿ ₹33 ಲಕ್ಷ ಲಾಭಕ್ಕೆ ಅನ್ವಯಿಸುವ ತೆರಿಗೆ ₹4.29 ಲಕ್ಷ. ಹೀಗಾಗಿ, ಇಂಡೆಕ್ಸೇಷನ್ ರಹಿತ ಪದ್ಧತಿಯಲ್ಲಿ ತೆರಿಗೆ ಲೆಕ್ಕ ಹಾಕಿ ಪಾವತಿಸುವುದು ಸೂಕ್ತ.

ಇನ್ನು ತೆರಿಗೆ ಉಳಿಸಿಕೊಳ್ಳಲು ನಿಮಗೆ ಕೆಲವು ಆಯ್ಕೆಗಳಿವೆ. ಸೆಕ್ಷನ್ 54ಎಫ್ ಅಡಿ ಮಾರಾಟ ಆದಾಯವನ್ನು ಹೊಸ ಆಸ್ತಿ ಅಥವಾ ಮನೆ ಖರೀದಿಗೆ ಹೂಡಿಕೆ ಮಾಡಿದರೆ (ಮಾರಾಟದ 1 ವರ್ಷ ಮೊದಲು ಅಥವಾ ಮಾರಾಟದ 2 ವರ್ಷ ಒಳಗೆ) ನೀವು ತೆರಿಗೆ ವಿನಾಯಿತಿ ಪಡೆಯಬಹುದು. ಹಾಗೆಯೇ, ಸೆಕ್ಷನ್ 54ಇಸಿ ಅಡಿ ₹50 ಲಕ್ಷದವರೆಗೆ ಲಾಭವನ್ನು ಮಾನ್ಯತೆ ಪಡೆದ ಬಾಂಡ್‌ಗಳು ಅಥವಾ ಮೂರು ವರ್ಷದ ಅವಧಿಗೆ ಕ್ಯಾಪಿಟಲ್ ಗೈನ್ ಬ್ಯಾಂಕ್ ಖಾತೆಯಲ್ಲಿ ಹೂಡಿಕೆ ಮಾಡಿ ಹೊಸ ಮನೆ ನಿರ್ಮಾಣಕ್ಕೂ ಬಳಸಿಕೊಳ್ಳಬಹುದು. ನಿಮ್ಮ ಹೆಚ್ಚಿನ ಮಾಹಿತಿಯೊಂದಿಗೆ ಸಮೀಪದ ತೆರಿಗೆ ಸಲಹೆಗಾರರನ್ನು ಸಂಪರ್ಕಿಸಿ.

ಇನ್ನು ಮುಂದಿನ ವರ್ಷದ ರಿಟರ್ನ್ಸ್ ಸಲ್ಲಿಕೆ ಬಗ್ಗೆ ಹೇಳುವುದಾದರೆ ನಿಮ್ಮ ಊಹೆಯಂತೆ ಈ ರಿಟರ್ನ್ಸ್ ಸಲ್ಲಿಕೆಯು ಭೂಮಿ ಮಾರಾಟ ಮಾಡಿದ ವರ್ಷಕ್ಕೆ ಮಾತ್ರ ಅನ್ವಯಿಸುತ್ತದೆ. ತೆರಿಗೆ ವಿನಾಯಿತಿ ಮಿತಿಗಿಂತ ಕೆಳಗೆ ವಾರ್ಷಿಕ ಆದಾಯ ಇದ್ದ ಸಂದರ್ಭದಲ್ಲಿ ರಿಟರ್ನ್ಸ್ ಸಲ್ಲಿಕೆ ಅನಿವಾರ್ಯವಲ್ಲ.