ಹುಲಿಗೆಮ್ಮನಕೊಳ್ಳ: ಧುಮ್ಮಿಕ್ಕುವ ಜಲಧಾರೆ

ಹುಲಿಗೆಮ್ಮನಕೊಳ್ಳ (ಬಾದಾಮಿ): ತಾಲ್ಲೂಕಿನ ಭದ್ರನಾಯಕ ಜಾಲಿಹಾಳ ಗ್ರಾಮದಿಂದ ಎರಡು ಕಿ.ಮೀ. ಸಮೀಪದ ನಿಸರ್ಗ ಸೌಂದರ್ಯದ ಬೆಟ್ಟದ ಮೇಲಿಂದ ಹಾಲಿನ ನೊರೆಯಂತೆ ಹುಲಿಗೆಮ್ಮನಕೊಳ್ಳದಲ್ಲಿ ಜಲಧಾರೆ ಧುಮ್ಮಿಕ್ಕುತ್ತಿದೆ.

ಬುಧವಾರ ರಾತ್ರಿ ಸುರಿದ ಧಾರಾಕಾರ ಮಳೆಯಿಂದ ಜಲಧಾರೆ ಸುರಿಯುತ್ತಿದೆ. ಜಲಪಾತದ ನೀರು ಮಲಪ್ರಭಾ ನದಿಗೆ ಹರಿದು ಹೋಗುತ್ತಿದ್ದು, ಕೆಲವರು ಜಲಧಾರೆಯ ಕೆಳಗೆ ಕುಳಿತು ಸ್ನಾನ ಮಾಡಿದರು.

ಸುತ್ತಲಿನ ಗ್ರಾಮಗಳ ನಿಸರ್ಗ ಪ್ರಿಯರು ಜಲಧಾರೆ ವೀಕ್ಷಿಸಲು ಆಗಮಿಸುತ್ತಿದ್ದರು. ಅಂದಾಜು ಎರಡು ತಿಂಗಳ ವರೆಗೆ ಮೇಲಿಂದ ನೀರು ಧುಮ್ಮುಕ್ಕುತ್ತಿದೆ ಎಂದು ಹುಲಿಗೆಮ್ಮಕೊಳ್ಳದ ಅರ್ಚಕರು ಹೇಳಿದರು.

ಬುಧವಾರ ಬಾದಾಮಿ–23 ಮಿ.ಮೀ, ಕೆರೂರ–16 ಮಿ.ಮೀ, ಕುಳಗೇರಿ–28 ಮಿ.ಮೀ, ಕಟಗೇರಿ–35 ಮಿ.ಮೀ, ಬೇಲೂರ–38 ಮಿ.ಮೀ, ಗುಳೇದಗುಡ್ಡ–17 ಮಿ.ಮೀ. ಕಂದಾಯ ಇಲಾಖೆಯಲ್ಲಿ ಮಳೆಯಾದ ವರದಿಯಾಗಿದೆ.