ಜನರ ಧ್ವನಿಯಾಗಿ ಕೆಲಸ ಮಾಡುವೆ: ಸಂಯುಕ್ತಾ ಪಾಟೀಲ

ಬಾದಾಮಿ: ‘ಜನರ ಧ್ವನಿಯಾಗಿ, ಕ್ಷೇತ್ರದ ಅಭಿವೃದ್ಧಿ ಜೊತೆಗೆ ಪ್ರವಾಸೋದ್ಯಮಕ್ಕೆ ಹೆಚ್ಚಿನ ಮಹತ್ವ ಕೊಡುವೆ’ ಎಂದು ಬಾಗಲಕೋಟೆ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಸಂಯುಕ್ತಾ ಪಾಟೀಲ ಹೇಳಿದರು.

ಸಮೀಪದ ಮುತ್ತಲಗೇರಿ ಗ್ರಾಮದಲ್ಲಿ ಗುರುವಾರ ನಡೆದ ಪ್ರಚಾರ ಸಭೆಯಲ್ಲಿ ಮಾತನಾಡಿದರು.

‘ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಯನ್ನು ಹೆಚ್ಚಿನ ಮತಗಳಿಂದ ಆಯ್ಕೆ ಮಾಡಿ’ ಎಂದು ಶಾಸಕ ಭೀಮಸೇನ ಚಿಮ್ಮನಕಟ್ಟಿ ಹೇಳಿದರು.

ಮುಖಂಡರಾದ ಸಂಜೀವ ಬರಗುಂಡಿ, ಬಾಲಪ್ಪ ಜಾಲಿಹಾಳ, ಎಚ್.ಎಸ್. ಸಣ್ಣಪ್ಪನವರ, ಬಿ.ಡಿ. ಪೂಜಾರ, ಶರಣಪ್ಪ ಕಲಬಾಶೆಟ್ಟಿ, ಅಶೋಕ ಕೋಟನಕರ, ಐ.ಎಸ್. ಕರಿಗೌಡರ, ಹನುಮಂತ ಜೋಗಿನ, ಮಂಜುನಾಥ ಹೊಸಮನಿ ಇದ್ದರು.