ಅನಗವಾಡಿ: ಮತ ಚಲಾಯಿಸಿದ 98 ವರ್ಷದ ವೃದ್ಧೆ ದಾನಮ್ಮ

ಬಾಗಲಕೋಟೆ: ಬೀಳಗಿ ತಾಲ್ಲೂಕಿನ ಅನಗವಾಡಿಯಲ್ಲಿ ಮಂಗಳವಾರ 98ರ ವಯಸ್ಸಿನ ವೃದ್ಧೆ ಪುತ್ರನ ಸಹಾಯದಿಂದ ಮತಗಟ್ಟೆಗೆ ಬಂದು ಹಕ್ಕು ಚಲಾಯಿಸಿದರು.

ತಾಯಿ ದಾನಮ್ಮ ಬಟಕುರ್ಕಿ ಅವರನ್ನು ಪುತ್ರ ಬಸಯ್ಯ ಮತಗಟ್ಟೆಗೆ ಹೊತ್ತುಕೊಂಡು ಬಂದರು.

ಅನಗವಾಡಿ ಗ್ರಾಮ ಪಂಚಾಯ್ತಿಯ ವಾರ್ಡ್ ನಂಬರ್ 2ರ ಮತಗಟ್ಟೆಯಲ್ಲಿ ದಾನಮ್ಮ ಮತ ಹಾಕಿದರು.

'ಓಟು ಹಾಕೋದು ಎಂದೂ ಬಿಟ್ಟಿಲ್ಲ. ಈಗಲೂ ಬಿಡಬಾರದು ಅಂತ ಬಂದೇನಿ' ಎಂದು ದಾನಮ್ಮ ಮಾಧ್ಯಮದವರಿಗೆ ಪ್ರತಿಕ್ರಿಯಿಸಿದರು.