ಬಾಗಲಕೋಟೆ: ಕೊರೊನಾ ಸೋಂಕಿಗೆ ತುತ್ತಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾಗಿ ಮನೆಗೆ ಮರಳಿದ ಮಹಿಳೆಗೆ ಮುಧೋಳ ತಾಲ್ಲೂಕಿನ ಲೋಕಾಪುರರ ವೆಂಕಟೇಶ್ವರ ಕಾಲೊನಿ ನಿವಾಸಿಗಳು ಗುರುವಾರ ಅದ್ದೂರಿಯಾಗಿ ಸ್ವಾಗತಿಸಿದರು.
ಕೊರೊನಾ ಪಾಸಿಟಿವ್ ಆಗಿ 55 ವರ್ಷದ ಮಹಿಳೆ ಜುಲೈ 16 ರಂದು ಜಿಲ್ಲಾ ಕೋವಿಡ್ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಾಗಿದ್ದರು.
ಮಹಿಳೆ ಮನೆಗೆ ಮರಳಿದಾಗ ಆಕೆಗೆ ಆರತಿ ಎತ್ತಿ, ಕುಂಕುಮ ಇಟ್ಟು ಸ್ವಾಗತಿಸಿದ ಅಕ್ಕಪಕ್ಕದ ಮನೆಯವರು ಹೂ ಮಳೆಗೆರೆದು ಶುಭ ಕೋರಿದರು.
ಈ ವೇಳೆ ಓಣಿಯ ಹಿರಿಯರಿಗೆ ನಮಸ್ಕರಿಸುವ ಮಹಿಳೆ ಮನೆಯ ಗೇಟ್ ಒಳಗೆ ತೆರಳುವ ಮುನ್ನ ನೆಲ ಮುಟ್ಟಿ ನಮಿಸುತ್ತಾರೆ.
ಮಹಿಳೆ ಬರುವ ಮುನ್ನ ಮನೆ ಅಂಗಳದಲ್ಲಿ ರಂಗೋಲಿಯ ಚಿತ್ತಾರ ಮೂಡಿಸುವ ಸ್ಥಳೀಯರು ಗೇಟ್ ಗೆ ಬಣ್ಣ ಬಣ್ಣದ ಬಲೂನ್ ಗಳನ್ನು ಕಟ್ಟಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.