ಗುಳೇದಗುಡ್ಡ: ಸವದತ್ತಿ ಯಲ್ಲಮ್ಮದೇವಿ ಜಾತ್ರೆಗೆ ತೆರಳಿದ್ದ ಬಂಡಿಗಳ ಮೆರವಣಿಗೆ

ಗುಳೇದಗುಡ್ಡ: ಸವದತ್ತಿ ಯಲ್ಲಮ್ಮದೇವಿ ಜಾತ್ರೆಗೆ ಸಮೀಪದ ಬೂದನಗಡ ಗ್ರಾಮದಿಂದ ಸುಮಾರು 52ಕ್ಕೂ ಹೆಚ್ಚು ಬಂಡಿಗಳು ತೆರಳಿ ಸುರಕ್ಷಿತವಾಗಿ ಗ್ರಾಮಕ್ಕೆ ಆಗಮಿಸಿದವು. ಈ ಹಿನ್ನೆಲೆಯಲ್ಲಿ ಕೋಟೆಕಲ್ ಅಮರೇಶ್ವರ ಮಠದ ಹತ್ತಿರದಿಂದ ಬೂದನಗಡ ಗ್ರಾಮದವರೆಗೆ ಬಂಡಿಗಳ ಮೆರವಣಿಗೆ ಬುಧವಾರ ನಡೆಯಿತು.

ಪ್ರತಿ ವರ್ಷ ಯಲ್ಲಮ್ಮದೇವಿ ಜಾತ್ರೆ ಅಂಗವಾಗಿ ಬೂದನಗಡ ಗ್ರಾಮದ ಅರ್ಧ ಊರಿನಷ್ಟು ಜನರು ಈ ಜಾತ್ರೆಗೆ ತೆರಳಿ ಭಕ್ತಿಭಾವ ಮೆರೆದರು. ಜಾತ್ರೆಗೆ ಗ್ರಾಮದಿಂದ ಸುಮಾರು 52 ಬಂಡಿ, 12 ಟ್ರಾಕ್ಟರ್, 60 ಬೈಕ್, 15 ಟಂಟಂಗಳಲ್ಲಿ ಜನರು ತೆರಳಿದರು.

ಕೋಟೆಕಲ್ ಗ್ರಾಮದಲ್ಲಿ ಯಲ್ಲಮ್ಮದೇವಿಗೆ ಪಡಲಗಿ ತುಂಬಿದರು. ಬೂದನಗಡ ಗ್ರಾಮಸ್ಥರು ಇದ್ದರು.