ಹಾಲ್ದೇನಹಳ್ಳಿ: ಬಂದೂಕುಧಾರಿಗಳ ಓಡಾಟ

ಆನೇಕಲ್ : ಆನೇಕಲ್‌ ಪೊಲೀಸ್‌ ಠಾಣೆ ವ್ಯಾಪ್ತಿಯ ಹಾಲ್ದೇನಹಳ್ಳಿಯಲ್ಲಿ ಬೆಳಗಿನ ಜಾವ 3ರ ವೇಳೆಯಲ್ಲಿ ನಾಲ್ವರು ಅಪರಿಚಿತರು ಬಂದೂಕು ಹಿಡಿದು ಓಡಾಟ ನಡೆಸಿ, ಗುಂಡಿ ಹಾರಿಸಿದ್ದಾರೆ. ಈ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಪ್ರಾಣಿ ಭೇಟೆಗಾಗಿ ಬಂದಿದ್ದರು ಎನ್ನಲಾಗಿದೆ.

ಹಾಲ್ದೇನಹಳ್ಳಿಯ ರೈಲ್ವೇ ಗೇಟ್‌ ಬಳಿ ನಾಲ್ವರು ಅಪರಿಚಿತರು ಬಂದೂಕು ಹಿಡಿದು ಓಡಾಟ ನಡೆಸಿದ್ದಾರೆ. ಒಂದು ಸುತ್ತು ಬಂದೂಕಿನಿಂದ ಫೈರಿಂಗ್‌ ಸಹ ಮಾಡಿದ್ದಾರೆ. ಇದರಿಂದ ಸಾರ್ವಜನಿಕರು ಬೆಚ್ಚಿ ಬಿದ್ದಿದ್ದಾರೆ.

ಆನೇಕಲ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಬಂದೂಕುಧಾರಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.