ರೈತರಿಂದ 1.86 ಲಕ್ಷ ಕ್ವಿಂಟಲ್ ರಾಗಿ ಖರೀದಿ

ದೇವನಹಳ್ಳಿ: ಕಳೆದ ಮುಂಗಾರು ಹಂಗಾಮಿನಲ್ಲಿ ರೈತರು ಬೆಳೆದಿರುವ ರಾಗಿಯನ್ನು ಕನಿಷ್ಠ ಬೆಂಬಲ ಬೆಲೆಯಡಿ 1,86,524 ಕ್ವಿಂಟಲ್ ಖರೀದಿಸಲಾಗಿದೆ ಎಂದು ಆಹಾರ ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆ ಜಿಲ್ಲಾ ಉಪನಿರ್ದೇಶಕ ಸುಬ್ರಹ್ಮಣ್ಯ ತಿಳಿಸಿದ್ದಾರೆ.

11,063 ರೈತರು ರಾಗಿ ಖರೀದಿಸಿ ಕೇಂದ್ರದಲ್ಲಿ ಹೆಸರು ನೊಂದಾಯಿಸಿಕೊಂಡಿದ್ದಾರೆ. ಇಲ್ಲಿಯವರೆಗೆ 10,429 ರೈತರು ರಾಗಿ ಮಾರಾಟ ಮಾಡಿದ್ದಾರೆ. ದೊಡ್ಡಬಳ್ಳಾಪುರ 5,593 ರೈತರ ಪೈಕಿ 5,330 ರೈತರಿಂದ 95,635 ಕ್ವಿಂಟಲ್, ನೆಲಮಂಗಲ 2,274 ರೈತರ ಪೈಕಿ 2,148 ರೈತರಿಂದ 42,706 ಕ್ವಿಂಟಲ್, ದೇವನಹಳ್ಳಿ 2,627 ರೈತರ ಪೈಕಿ 2,417 ರೈತರಿಂದ 39,354 ಕ್ವಿಂಟಲ್, ಹೊಸಕೋಟೆ 569 ರೈತರ ಪೈಕಿ 534 ರೈತರಿಂದ 8,829 ಕ್ವಿಂಟಲ್ ರಾಗಿ ಖರೀದಿಸಲಾಗಿದೆ 2018–19ನೇ ಸಾಲಿಗೆ ಹೊಲಿಕೆ ಮಾಡಿದರೆ ಶೇ 7 ರಷ್ಟು ಹೆಚ್ಚು ಇಳುವರಿಯಾಗಿದೆ ಎಂದು ತಿಳಿಸಿದ್ದಾರೆ.