ಕನ್ನಡ ಬಾವುಟ: ನಾಳೆ ಸಂಜೆಯಿಂದ ಟ್ವಿಟರ್ ಅಭಿಯಾನ

ಬೆಳಗಾವಿ: ಇಲ್ಲಿನ ಮಹಾನಗರ ಪಾಲಿಕೆ ಎದುರು ಕನ್ನಡಪರ ಹೋರಾಟಗಾರರು ಧ್ವಜಸ್ತಂಭ ಸ್ಥಾಪಿಸಿ ಕನ್ನಡ ಬಾವುಟ ಹಾರಿಸಿರುವುದಕ್ಕೆ ಬೆಂಬಲ ವ್ಯಕ್ತಪಡಿಸಿ ಬುಧವಾರ (ಡಿ.30) ದಿಂದ ಟ್ವಿಟರ್ ಅಭಿಯಾನ ನಡೆಸಲು ಇಲ್ಲಿನ ಯುವಕರು ಮುಂದಾಗಿದ್ದಾರೆ.

‘ಗಡಿ ನಾಡಿನಲ್ಲಿ ಕನ್ನಡಿಗರ ಹೋರಾಟಕ್ಕೆ ರಾಜ್ಯದಾದ್ಯಂತ ಬೆಂಬಲ ವ್ಯಕ್ತವಾಗಿದೆ. ಧ್ವಜ ತೆರವುಗೊಳಿಸದಂತೆ ಸಾಮಾಜಿಕ ಮಾಧ್ಯಮದಲ್ಲೂ ಹೋರಾಟ ಮುಂದುವರಿಸಬೇಕಿದೆ. ಹೀಗಾಗಿ, ಟ್ವಿಟರ್ ಬಳಸುವ ಕನ್ನಡ ಅಭಿಮಾನಿಗಳು #ನಮ್ಮಬೆಳಗಾವಿನಮ್ಮಬಾವುಟ ಅಥವಾ #OurBelagaviOurFlag ಎಂಬ ಹ್ಯಾಷ್‌ಟ್ಯಾಗ್ ಮೂಲಕ ಟ್ವೀಟ್ ಮಾಡಿ ಬೆಂಬಲಿಸಬೇಕು’ ಎಂದು ಜಿಲ್ಲಾ ಸಾಮಾಜಿಕ ಜಾಲತಾಣಗಳ ಒಕ್ಕೂಟ ಕೋರಿದೆ.