ಬೆಂಗಳೂರು: ಬಿಬಿಎಂಪಿ 2020–21ನೇ ಸಾಲಿನ ಮೊದಲ ನಾಲ್ಕು ತಿಂಗಳುಗಳಲ್ಲಿ ₹ 1,776 ಕೋಟಿ ಆಸ್ತಿ ತೆರಿಗೆ ಸಂಗ್ರಹಿಸಿದೆ. ಈ ಬಾರಿ ಚಲನ್ಗಿಂತ ಆನ್ಲೈನ್ ಮೂಲಕ ಹೆಚ್ಚು ಆಸ್ತಿ ತೆರಿಗೆ ಪಾವತಿಯಾಗಿದೆ.
ಕೊರೊನಾ ಸೋಂಕು ಹಬ್ಬುವುದನ್ನು ತಡೆಯುವ ಸಲುವಾಗಿ ಲಾಕ್ಡೌನ್ ಜಾರಿಯಲ್ಲಿದ್ದುದರಿಂದ ಈ ಬಾರಿ ಆಸ್ತಿ ತೆರಿಗೆ ಇಳಿಕೆಯಾಗುವ ಆತಂಕವನ್ನು ಬಿಬಿಎಂಪಿ ಎದುರಿಸಿತ್ತು. ಏಪ್ರಿಲ್ 30ರವರೆಗೆ ಮಾತ್ರ ಅನ್ವಯವಾಗುವಾಗುತ್ತಿದ್ದ ಶೇ 5ರಷ್ಟು ತೆರಿಗೆ ರಿಯಾಯಿತಿಯನ್ನು ಮೇ 31ರವರೆಗೂ ವಿಸ್ತರಿಸಿತ್ತು. ರಿಯಾಯಿತಿ ಜಾರಿಯಲ್ಲಿದ್ದ ಮೊದಲ ಎರಡು ತಿಂಗಳ ಅವಧಿಯಲ್ಲಿ, ಲಾಕ್ಡೌನ್ ನಡುವೆಯೂ ₹ 1,440 ಕೋಟಿ ಆಸ್ತಿ ತೆರಿಗೆ ಸಂಗ್ರಹವಾಗಿತ್ತು.
ಬಿಬಿಎಂಪಿಯ 2020–21ನೇ ಸಾಲಿನಲ್ಲಿ ₹ 2,442 ಕೋಟಿ ಆಸ್ತಿ ತೆರಿಗೆ ಸಂಗ್ರಹಿಸುವ ಗುರಿಯನ್ನು ಹೊಂದಿದೆ. ಇದಲ್ಲದೇ ಈ ಹಿಂದಿನ ವರ್ಷಗಳ ₹ 2,500 ಕೋಟಿ ತೆರಿಗೆ ಬಾಕಿ ವಸೂಲಾಗಬೇಕಿದೆ.
ಬಿಬಿಎಂಪಿ ವಲಯವಾರು ತೆರಿಗೆ ಸಂಗ್ರಹ ವಿವರ (ಆ.2ರವರೆಗೆ)
ವಲಯ; ತೆರಿಗೆ ಸಂಗ್ರಹ (₹ ಕೋಟಿ)
ಬೊಮ್ಮನಹಳ್ಳಿ; 177.92
ದಾಸರಹಳ್ಳಿ; 39.60
ಪೂರ್ವ; 336.46
ಮಹದೇವಪುರ; 462.95
ಆರ್.ಆರ್.ನಗರ; 123.24
ದಕ್ಷಿಣ; 299.08
ಪಶ್ಚಿಮ; 200.19
ಯಲಹಂಕ; 136.64
ಅಂಕಿ ಅಂಶ
7.44 ಲಕ್ಷ
ಬಿಬಿಎಂಪಿಗೆ 2019–20ರವರೆಗೆ ತೆರಿಗೆ ಬಾಕಿ ಉಳಿಸಿಕೊಂಡಿರುವ ಆಸ್ತಿಗಳು
20.60 ಲಕ್ಷ
2020–21ನೇ ಸಾಲಿನಲ್ಲಿ ತೆರಿಗೆ ಪಾವತಿಸಬೇಕಾದ ಆಸ್ತಿಗಳು
₹ 902.36 ಕೋಟಿ
2020–21ನೇ ಸಾಲಿನಲ್ಲಿ ಆನ್ಲೈನ್ ಮೂಲಕ ಪಾವತಿಯಾದ ತೆರಿಗೆ
₹ 873.70
2020–21ನೇ ಸಾಲಿನಲ್ಲಿ ಚಲನ್ ಮೂಲಕ ಪಾವತಿಯಾದ ತೆರಿಗೆ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.