ಬೆಂಗಳೂರು: ವಾರಸುದಾರರಿಗೆ 172 ಮೊಬೈಲ್ ಹಸ್ತಾಂತರಿಸಿದ ಪೊಲೀಸರು

ಬೆಂಗಳೂರು: ಪೂರ್ವ ವಿಭಾಗದ ಪೊಲೀಸರು ಜನವರಿಯಲ್ಲಿ ವಿಶೇಷ ಕಾರ್ಯಾಚರಣೆ ನಡೆಸಿ, ಸೆಂಟ್ರಲ್‌ ಎಕ್ವಿಪ್‌ಮೆಂಟ್ ಐಡೆಂಟಿಟಿ ರಿಜಿಸ್ಟರ್‌ (ಸಿಇಐಆರ್‌) ತಂತ್ರಾಂಶದ ಮೂಲಕ ₹22.34 ಲಕ್ಷ ಮೌಲ್ಯದ 172 ಮೊಬೈಲ್‌ ಫೋನ್‌ಗಳನ್ನು ಪತ್ತೆ ಮಾಡಿದ್ದಾರೆ.

ಕಳ್ಳತನವಾದ ಮೊಬೈಲ್‌ಗಳ‌ ಮಾಹಿತಿಯನ್ನು ಇ–ಲಾಸ್ಟ್ ಆ್ಯಪ್ ಮತ್ತು ಕೇಂದ್ರ‌ ಸರ್ಕಾರ ರೂಪಿಸಿರುವ ಸೆಂಟ್ರಲ್‌ ಎಕ್ವಿಪ್‌ಮೆಂಟ್ ಐಡೆಂಟಿಟಿ ರಿಜಿಸ್ಟರ್‌ (ಸಿಇಐಆರ್‌) ಜಾಲತಾಣದಲ್ಲಿ ದಾಖಲು ಮಾಡಲಾಗುತ್ತದೆ. ತಾಂತ್ರಿಕ ಸುಳಿವು ಆಧರಿಸಿ, ಪೊಲೀಸರು ತನಿಖೆ ನಡೆಸಿ ಮೊಬೈಲ್ ಪತ್ತೆ ಹಚ್ಚುತ್ತಾರೆ.

ಪತ್ತೆ ಮಾಡಲಾದ 172 ಮೊಬೈಲ್ ಪೈಕಿ 145 ಮೊಬೈಲ್‌ಗಳನ್ನು ಸಂಬಂಧಿಸಿದ ವಾರಸುದಾರರಿಗೆ ಆಯಾ ಠಾಣಾ ವ್ಯಾಪ್ತಿಯಲ್ಲಿ ಹಸ್ತಾಂತರಿಸಲಾಯಿತು.

ಹಲಸೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ 6, ಇಂದಿರಾನಗರ 30, ಬೈಯಪ್ಪನಹಳ್ಳಿ 3, ಜೆ.ಬಿ.ನಗರ 10, ಪುಲಕೇಶಿ ನಗರ 5, ಭಾರತಿನಗರ 4, ಶಿವಾಜಿನಗರ 4, ಕಮರ್ಷಿಯಲ್ ಸ್ಟ್ರೀಟ್ 6, ಬಾಣಸವಾಡಿ 25, ಆರ್‌.ಎಂ.ನಗರ 4, ಹೆಣ್ಣೂರು 28, ಕೆ.ಜಿ.ಹಳ್ಳಿ 20, ಡಿ.ಜೆ.ಹಳ್ಳಿ 3, ಗೋವಿಂದ ಪುರ ಠಾಣೆ ವ್ಯಾಪ್ತಿಯಲ್ಲಿ 24 ಮೊಬೈಲ್ ವಶಪಡಿಸಿಕೊಳ್ಳಲಾಗಿದ್ದು, ಇವುಗಳ ಮೌಲ್ಯ ₹22,94,651. ಕಾರ್ಯಾಚರಣೆ ಮುಂದುವರೆಯಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.