ಏಪ್ರಿಲ್ 10ರಂದು ಬೆಂಗಳೂರು ವಿ.ವಿ. ಪರೀಕ್ಷೆ

ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯದ 1 ಮತ್ತು 3ನೇ ವರ್ಷದ ಸ್ನಾತಕ ವಾರ್ಷಿಕ ಪದ್ಧತಿಯ ಬಿ.ಎ, ಬಿ.ಕಾಂ, ಬಿ.ಎಸ್ಸಿ, ಬಿ.ಬಿ.ಎಂ, ಬಿ.ಬಿ.ಎ, ಬಿ.ಎಚ್‌.ಎಂ ಹಾಗೂ ದೂರಶಿಕ್ಷಣ ಪರೀಕ್ಷೆಗಳು ಇದೇ 10 ರಂದು ನಡೆಯಲಿವೆ.

‘ಇದೇ 7ರಂದು ನಡೆಯಬೇಕಿದ್ದ ಪರೀಕ್ಷೆಗಳನ್ನು ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನೌಕರರ ಮುಷ್ಕರದ ಕಾರಣದಿಂದಾಗಿ ಮುಂದೂಡಲಾಗಿತ್ತು. ಈಗ ಪರಿಷ್ಕೃತ ದಿನಾಂಕ ಬಿಡುಗಡೆ ಮಾಡಲಾಗಿದೆ’ ಎಂದು ಕುಲಸಚಿವರ (ಮೌಲ್ಯಮಾಪನ) ಪ್ರಕಟಣೆ ತಿಳಿಸಿದೆ.