ವಂಡರ್‌ಲಾ ಸಿಬ್ಬಂದಿ ವಿರುದ್ಧ ಎಫ್ಐಆರ್‌ ದಾಖಲು

ರಾಮನಗರ: ಗ್ರಾಹಕರ ಸುರಕ್ಷತೆ ಕುರಿತು ನಿರ್ಲಕ್ಷ್ಯ ತೋರಿದ ಆರೋಪದ ಮೇಲೆ ಬಿಡದಿಯ ವಂಡರ್‌ಲಾ ಅಮ್ಯೂಸ್‌ಮೆಂಟ್‌ ಪಾರ್ಕಿನ ವ್ಯವಸ್ಥಾಪಕ ಹಾಗೂ ರೋಲರ್ ಕ್ರಷರ್‌ ನಿರ್ವಾಹಕರ ವಿರುದ್ಧ ಬಿಡದಿ ಠಾಣೆ ಪೊಲೀಸರು ಎಫ್‌ಐಆರ್‌ ದಾಖಲಿಸಿದ್ದಾರೆ.

ಇದೇ ತಿಂಗಳ 18ರಂದು ವಂಡರ್‌ಲಾದಲ್ಲಿ ರೋಲರ್‌ ಕ್ರಷರ್ ಮಗುಚಿ ಯಂತ್ರದ ಅಡಿಯಲ್ಲಿ ಕೆಲ ನಿಮಿಷ ನಾಲ್ವರು ಸಿಲುಕಿದ್ದರು. ಗಾಯಾಳುಗಳ ಪೈಕಿ ಇಬ್ಬರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದರು. ಗಾಯಾಳು ಬಾಲಾಜಿ ಎಂಬುವರು ನೀಡಿದ ದೂರು ಆಧರಿಸಿ ಪೊಲೀಸರು ದೂರು ದಾಖಲಿಸಿದ್ದರು. ವಂಡರ್‌ಲಾದಲ್ಲಿ ರೋಲರ್‌ ಮಗುಚಿದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿತ್ತು.