Krishi Mela 2023 | ಗಮನ ಸೆಳೆದ ಏಕಲವ್ಯ ಹಳ್ಳಿಕಾರ್ ಎತ್ತು, ಬೆಲೆ ₹26 ಲಕ್ಷ

ಯಲಹಂಕ: ತುರುವೇಕೆರೆಯ ಏಕಲವ್ಯ ಹಳ್ಳಿಕಾರ್ ನಾಟಿ ಎತ್ತು ಈ ಬಾರಿಯ ಕೃಷಿ ಮೇಳದಲ್ಲಿ ಜನರ ಗಮನ ಸೆಳೆಯುತ್ತಿದೆ.

ಕೃಷಿಮೇಳದ ಪಶುಸಂಗೋಪನಾ ವಿಭಾಗದ ಮಳಿಗೆಯಲ್ಲಿ ಈ ಎತ್ತು ಜನರನ್ನು ಸೆಳೆಯುತ್ತಿದೆ. ಇದರ ವಯಸ್ಸು 4 ವರ್ಷ. ಬೆಲೆ ಬರೋಬ್ಬರಿ ₹ 26 ಲಕ್ಷ.

ತುರುವೇಕೆರೆಯ ಮಾಜಿ ಶಾಸಕ ಮಸಾಲ ಜಯರಾಂ ಅವರು, ಈ ಹಳ್ಳಿಕಾರ್ ಹೋರಿಯನ್ನು ಖರೀದಿಸಿದ್ದರು.

ಈ ಹೋರಿಗೆ ಬೇಯಿಸಿದ ಹುರುಳಿ ನುಚ್ಚು, ರವೆಬೂಸ, ಕೊಬ್ಬರಿ, ಬೆಲ್ಲ, ನಾಟಿ ಮೊಟ್ಟೆ, ಪಚ್ಚಬಾಳೆಹಣ್ಣು, ವಾರಕ್ಕೊಮ್ಮೆ ನಾಟಿ ಬೆಣ್ಣೆ, ಪ್ರತಿದಿನ ಬೆಳಿಗ್ಗೆ ಮತ್ತು ಸಂಜೆ ತಲಾ ಎರಡೂವರೆ ಲೀಟರ್ ಹಾಲನ್ನು ಆಹಾರವಾಗಿ ನಿಡಲಾಗುತ್ತಿದೆ ಎಂದು ಸಾಕಾಣಿಕೆದಾರ ಯಡಿಯೂರಪ್ಪ ಹೇಳಿದರು.