‘ಮುಖ್ಯಮಂತ್ರಿ’ ಚಂದ್ರುಗೆ ಆ್ಯಂಜಿಯೊ ಪ್ಲಾಸ್ಟಿ

ಬೆಂಗಳೂರು: ಚಲನಚಿತ್ರ ನಟ ‘ಮುಖ್ಯಮಂತ್ರಿ’ ಚಂದ್ರು ಅವರು ಜಯದೇವ ಆಸ್ಪತ್ರೆಯಲ್ಲಿಸೋಮವಾರ ಆ್ಯಂಜಿಯೊ ಪ್ಲಾಸ್ಟಿ ಚಿಕಿತ್ಸೆ ಪಡೆದರು.

‘ಹೃದಯದ ಸಮಸ್ಯೆ ಹೊಂದಿರುವ ನಾನು 22 ವರ್ಷಗಳಿಂದ ಚಿಕಿತ್ಸೆ ಪಡೆಯುತ್ತಿದ್ದೇನೆ. ಅಮೆರಿಕ ಮತ್ತು ಇಂಗ್ಲೆಂಡ್‌ನಲ್ಲಿನಾಟಕ ಪ್ರದರ್ಶನಕ್ಕಾಗಿ ಸೆಪ್ಟಂಬರ್ 1ರಂದು ತೆರಳಬೇಕಿತ್ತು. ಎರಡು ತಿಂಗಳ ಕಾಲ ವಿದೇಶಗಳಲ್ಲೇ ಇರಬೇಕಾಗಿದ್ದ ಕಾರಣ ತಪಾಸಣೆ ಮಾಡಿಸಿಕೊಂಡೆ’ ಎಂದು ಚಂದ್ರು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಆ್ಯಂಜಿಯೊ ಪ್ಲಾಸ್ಟಿ ಚಿಕಿತ್ಸೆ ಪಡೆಯುವಂತೆ ಆಸ್ಪತ್ರೆ ನಿರ್ದೇಶಕ ಡಾ. ಸಿ.ಎನ್. ಮಂಜುನಾಥ್ ಸಲಹೆ ನೀಡಿದರು. ಮಂಗಳವಾರ ಮನೆಗೆ ಹೋಗಬಹುದು ಎಂದು ತಿಳಿಸಿದ್ದಾರೆ’ ಎಂದರು.