ಜಂಗಲ್ ಲಾಡ್ಜ್ ತೆರೆಯಲು ಅನುಮತಿ

ಬೆಂಗಳೂರು: ಕ್ವಾರಂಟೈನ್ ವಲಯಕ್ಕೆ ಒಳಪಡದೇ ಇರುವ ಸರ್ಕಾರಿ ಮತ್ತು ಖಾಸಗಿ ಜಂಗಲ್ ಲಾಡ್ಜ್, ರೆಸಾರ್ಟ್‌, ಅದೇ ರೀತಿಯ ಅತಿಥಿ ಗೃಹಗಳನ್ನು ಇದೇ 8ರಿಂದ ಪುನರ್ ಆರಂಭಿಸಲು ರಾಜ್ಯ ಸರ್ಕಾರ ಅನುಮತಿ ನೀಡಿದೆ.

‘ಅರಣ್ಯ ಮತ್ತು ವಿಹಾರಧಾಮಗಳಲ್ಲಿ ಚಾರಣ ಮತ್ತು ಸಫಾರಿಗೂ ಅವಕಾಶ ಕಲ್ಪಿಸಲಾಗಿದೆ. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ನೀಡುವ ಮಾರ್ಗಸೂಚಿಗಳನ್ನು ಪಾಲಿಸಬೇಕು. ನೈರ್ಮಲ್ಯ, ಅಂತರ ಕಾಪಾಡಿಕೊಂಡು ಕೇಂದ್ರ ಸರ್ಕಾರದ ನಿರ್ದೇಶನಗಳಿಗೆ ಬದ್ಧರಾಗುವ ಷರತ್ತಿನೊಂದಿಗೆ ಪುನರ್ ಆರಂಭಿಸಬಹುದು’ ಎಂದು ಕರ್ನಾಟಕ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಟಿ.ಕೆ. ಅನಿಲ್‌ಕುಮಾರ್ ಸ್ಪಷ್ಟಪಡಿಸಿದ್ದಾರೆ.