ಬಿಡಿಎ ಸದಸ್ಯರಾಗಿ ಇಬ್ಬರು ಶಾಸಕರು

ಬೆಂಗಳೂರು: ಪುಲಿಕೇಶಿನಗರ ಶಾಸಕ ಎ.ಸಿ. ಶ್ರೀನಿವಾಸ್, ಆನೇಕಲ್ ಶಾಸಕ ಬಿ. ಶಿವಣ್ಣ, ಕೆಪಿಸಿಸಿ ಕಾರ್ಮಿಕ ಕೋಶದ ಅಧ್ಯಕ್ಷ ಕೆ. ಪುಟ್ಟಸ್ವಾಮಿಗೌಡ ಮತ್ತು ಆನಂದ ಪ್ರಸಾದ್ ಅವರನ್ನು ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ ಸದಸ್ಯರನ್ನಾಗಿ ರಾಜ್ಯ ಸರ್ಕಾರ ನಾಮನಿರ್ದೇಶನ ಮಾಡಿದೆ.

ಬೆಂಗಳೂರು ಅಂತರರಾಷ್ಟ್ರೀಯ ವಿಮಾನ‌ ನಿಲ್ದಾಣ ಪ್ರದೇಶ ಯೋಜನಾ ಪ್ರಾಧಿಕಾರಕ್ಕೆ ಅಧ್ಯಕ್ಷರಾಗಿ ದೇವನಹಳ್ಳಿಯ ವಿ. ಶಾಂತಕುಮಾರ್‌, ಸದಸ್ಯರಾಗಿ ವಿ. ಮಂಜುನಾಥ್‌, ವಿ. ರಾಮಚಂದ್ರಪ್ಪ ಮತ್ತು ಸಿ. ಪ್ರಸನ್ನಕುಮರ್‌ ಅವರನ್ನು ನೇಮಿಸಲಾಗಿದೆ.  

ಕನಕಪುರ, ದೊಡ್ಡಬಳ್ಳಾಪುರ, ಮಾಗಡಿ, ಚನ್ನಪಟ್ಟಣ ಯೋಜನಾ ಪ್ರಾಧಿಕಾರಕ್ಕೂ ಅಧ್ಯಕ್ಷರು ಮತ್ತು ಸದಸ್ಯರನ್ನು ನೇಮಿಸಲಾಗಿದೆ.